ఆరోగ్య విభాగం: మనం రోజూ తెలియక చేస్తున్న 10 చిన్న చిన్న తప్పులు నేడు 150 కోట్ల భారతీయులను క్యాన్సర్ వంటి భయంకరమైన వ్యాధుల ఊబిలోకి నెట్టేస్తున్నాయి. ఆధునిక జీవనశైలిలో భాగమైన ప్లాస్టిక్, ఇప్పుడు ‘మైక్రోప్లాస్టిక్’ రూపంలో మనం తాగే నీరు, తినే ఆహారం, చివరికి పీల్చే గాలిని కూడా విషతుల్యం చేసింది. ప్లాస్టిక్ బాటిళ్ల వాడకం, మైక్రోవేవ్లో ప్లాస్టిక్ పాత్రలు ఉపయోగించడం వంటి అలవాట్లు నేరుగా మానవ కణాలపై దాడి చేస్తున్నాయని పరిశోధనలు హెచ్చరిస్తున్నాయి.
మన ప్రాణాల మీదకు తెస్తున్న ఆ 10 అలవాట్లు ఇవే:
1. ప్లాస్టిక్ బాటిళ్లలో నీరు: ప్లాస్టిక్ బాటిళ్లలో నిల్వ ఉంచిన నీటిని తాగడం వల్ల వేలాది మైక్రోప్లాస్టిక్ కణాలు నేరుగా కడుపులోకి చేరుతున్నాయి.
- పరిష్కారం: గాజు లేదా స్టెయిన్లెస్ స్టీల్ బాటిళ్లను వాడండి.
2. మైక్రోవేవ్లో ప్లాస్టిక్ పాత్రలు: ప్లాస్టిక్ డబ్బాల్లో ఆహారాన్ని ఉంచి మైక్రోవేవ్లో వేడి చేయడం వల్ల ఆ ప్లాస్టిక్లోని విషపూరిత రసాయనాలు ఆహారంలో కలిసిపోతాయి.
3. పాడైపోయిన నాన్-స్టిక్ పాన్లు: పాతబడిన లేదా గీతలు పడిన నాన్-స్టిక్ పాత్రలను వాడటం వల్ల వాటిలోని ‘PFAS’ వంటి రసాయనాలు శరీరంలో చేరి హార్మోన్ల సమతుల్యతను దెబ్బతీస్తాయి.
4. కాస్మెటిక్స్లో మైక్రోబీడ్స్: కొన్ని ఫేస్ వాష్లు, షాంపూలలో ఉండే అతి సూక్ష్మమైన ప్లాస్టిక్ కణాలు చర్మం ద్వారా లేదా నీటి ద్వారా మన శరీరంలోకి ప్రవేశించి హాని చేస్తాయి.
5. సింథెటిక్ దుస్తుల వాడకం: పాలిస్టర్, నైలాన్ దుస్తులను ఉతికినప్పుడు లక్షలాది మైక్రోఫైబర్లు గాలిలోకి, నీటిలోకి విడుదలవుతున్నాయి.
- పరిష్కారం: పత్తి (Cotton) లేదా జనపనార వంటి సహజ సిద్ధమైన దుస్తులకు ప్రాధాన్యత ఇవ్వండి.
6. అపరిశుభ్రమైన ఇల్లు: మన ఇంట్లోని దుమ్ములో కూడా అధిక శాతం ప్లాస్టిక్ కణాలు ఉంటాయి.
- పరిష్కారం: ఫర్నిచర్ను తడి బట్టతో తుడవండి మరియు తరచుగా వాక్యూమ్ క్లీనింగ్ చేయండి.
7. చేతులు కడుక్కోకుండా ఆహారం తీసుకోవడం: భోజనానికి ముందు చేతులు కడుక్కోకపోతే, చేతులకు అంటుకున్న ప్లాస్టిక్ ధూళి ఆహారం ద్వారా శరీరంలోకి చేరుతుంది.
8. ప్లాస్టిక్ డబ్బాల్లో వేడి ఆహారం: హోటళ్ల నుండి తెచ్చే వేడి వేడి ఆహారాన్ని ప్లాస్టిక్ కవర్లు లేదా డబ్బాల్లో ఉంచడం వల్ల ప్రమాదకరమైన కెమికల్ రియాక్షన్ జరుగుతుంది.
9. ప్యాక్ చేసిన ఆహారం (Processed Food): ప్లాస్టిక్ కవర్లలో ప్యాక్ చేసిన నిల్వ ఆహారం కంటే తాజా కూరగాయలు, పండ్లను తీసుకోవడం ఆరోగ్యానికి ఎంతో మేలు.
10. అవగాహన లోపం: ఈ చిన్న చిన్న తప్పుల పట్ల నిర్లక్ష్యంగా ఉండటం వల్ల మన శరీరంలోని ఎండోక్రైన్ వ్యవస్థ మరియు కణాల నిర్మాణం దెబ్బతింటుంది.