భార్యకు అబద్ధం చెప్పి, ప్రియురాలి పుట్టినరోజును హోటల్లో జరుపుకోవడానికి వెళ్ళిన భర్తను, అతని భార్య రెడ్ హ్యాండెడ్గా పట్టుకుని దర్మ దెబ్బలు కొట్టిన వీడియో సోషల్ మీడియాలో దావానలంలా వ్యాపిస్తోంది.
మధ్యప్రదేశ్ రాష్ట్రం మందసౌర్ జిల్లాకు చెందిన 50 ఏళ్ల జుల్ఫికర్ అలీ వృత్తిరీత్యా వైద్యుడు. ఇతను తన 38 ఏళ్ల ప్రియురాలికి పుట్టినరోజు సర్ప్రైజ్ ఇవ్వడం కోసం స్థానిక హోటల్లో గది తీసుకుని ఉన్నాడు. దీని గురించి రహస్య సమాచారం అందుకున్న జుల్ఫికర్ భార్య, రాత్రి 11 గంటల సమయంలో తన సోదరుడు మరియు కుటుంబ సభ్యులతో కలిసి ఆ హోటల్పై మెరుపు దాడి చేసింది.
హోటల్ గది తలుపు తీయగానే, తన భర్త ప్రియురాలితో కలిసి ఉండటం చూసి షాక్కు గురైన భార్య, ఆవేశంతో ఇద్దరినీ విచక్షణారహితంగా కొట్టడం ప్రారంభించింది. భార్య బంధువులు కూడా కలిసి జుల్ఫికర్ మరియు అతని ప్రియురాలిని హోటల్ గది నుండి బయటకు ఈడ్చుకువచ్చారు. ఈ గొడవ ముదరడంతో హోటల్ యాజమాన్యం పోలీసులకు సమాచారం అందించింది.
సంఘటనా స్థలానికి చేరుకున్న పోలీసులు, గొడవ పడుతున్న ఇరు వర్గాలను పోలీస్ స్టేషన్కు తరలించారు. గాయపడిన జుల్ఫికర్ మరియు అతని ప్రియురాలిని వైద్య పరీక్షల కోసం జిల్లా ప్రభుత్వ ఆసుపత్రికి పంపారు. ఈలోగా, ఎలాంటి ఫిర్యాదు చేయకుండానే భార్య తరపు కుటుంబ సభ్యులు అక్కడి నుండి వెళ్ళిపోయారు. అవసరమైన పత్రాల ప్రక్రియ పూర్తి చేసిన తర్వాత, పోలీసులు జుల్ఫికర్ మరియు అతని ప్రియురాలిని విడిచిపెట్టారు. హోటల్ గదిలో జరిగిన ఈ ఘర్షణ దృశ్యాలు సెల్ఫోన్లో రికార్డ్ అవ్వగా, ప్రస్తుతం ఇంటర్నెట్లో ట్రెండింగ్లో ఉన్నాయి.