ఫేస్బుక్లో ‘నవీన్ రాణా’ అనే పేరుతో పరిచయమై, తనను ప్రేమజాలంలో దించి మోసం చేసిన వ్యక్తి అసలు పేరు నవేద్ అని, అతను ముజఫర్నగర్కు చెందినవాడని ఇండోర్కు చెందిన ఒక 31 ఏళ్ల హిందూ మహిళ ఆరోపించింది.
అంకుర్ విహార్ పోలీస్ స్టేషన్లో ఆమె ఫిర్యాదు చేస్తూ.. గత 13 ఏళ్లలో తనను బలవంతంగా మత మార్పిడి చేశారని, ఐదు సార్లు నికాహ్, మూడు సార్లు హలాలా, పలుమార్లు అత్యాచారం, త్రిపుల్ తలాక్ మరియు చిత్రహింసలకు గురిచేశారని పేర్కొంది. 2012లో ఆన్లైన్ స్నేహంతో మొదలైన ఈ ప్రయాణం, ఉత్తర భారతదేశంలోని పలు నగరాల్లో తనను లైంగికంగా, మానసికగా హింసించిన ఒక సుదీర్ఘ పీడకలగా మారిందని ఆమె వాపోయింది.
బాధిత మహిళ ఆరోపణలు:
- గుర్తింపు దాచడం: నవేద్ తనను నవీన్ రాణాగా పరిచయం చేసుకుని ఢిల్లీకి పిలిపించాడు. అక్కడకు వెళ్లాక ముజఫర్నగర్లోని ఒక మదర్సాకు తీసుకెళ్లగా, అతని అసలు పేరు నవేద్ అని తెలిసింది.
- బలవంతపు మతమార్పిడి: మదర్సాలో తనను బంధించి బలవంతంగా ఇస్లాం మతంలోకి మార్చారని, బుర్ఖా ధరించాలని, నమాజ్ చేయాలని ఒత్తిడి చేశారని ఆమె తెలిపింది. ఎదురుతిరిగితే కొట్టి చంపేస్తామని బెదిరించేవారని పేర్కొంది.
- వరుస వివాహాలు మరియు హలాలా: మదర్సా నెట్వర్క్కు చెందిన మౌలానా కలీం సిద్దిఖీ వంటి వారు తనను ఒక సంస్థ నుండి మరో సంస్థకు మారుస్తూ వేధించారని ఆమె ఆరోపించింది.
- మొదటి నికాహ్ ముజఫర్నగర్కు చెందిన వయసులో చాలా పెద్దవాడైన అబ్దుర్ రెహ్మాన్తో బలవంతంగా జరిపించారు. అతను తనపై అత్యాచారం చేసి, కొన్ని నెలలకే త్రిపుల్ తలాక్ ఇచ్చాడు.
- ఆ తర్వాత జైపూర్లోని ఒక మదర్సాలో తనను ‘హలాలా’ ప్రక్రియకు గురిచేసి, అక్కడ కొందరు లైంగిక దాడికి పాల్పడ్డారని ఆమె తెలిపింది.
- 2015లో షామ్లీకి చెందిన ముద్సిర్తో నికాహ్ జరిగింది, అతను 2019లో మరణించాడు.
- తర్వాత ఘాజియాబాద్కు చెందిన ఖాలిద్ హుస్సేన్తో నికాహ్ జరిగింది. ఖాలిద్ కుటుంబ సభ్యులు ఆమెను అంగీకరించకపోవడంతో 2022లో అతను త్రిపుల్ తలాక్ ఇచ్చాడు.
- తిరిగి తనను పెళ్లి చేసుకోవాలంటే మరోసారి ‘హలాలా’ చేయాలని ఖాలిద్ తన సోదరి భర్త ఫక్రుద్దీన్తో నికాహ్ జరిపించాడు. ఆ సమయంలో ఖాలిద్ మరియు అతని సోదరుడు సాకిబ్ తనపై సామూహిక అత్యాచారానికి పాల్పడ్డారని మహిళ ఆరోపించింది.
పోలీసు చర్యలు:
బాధిత మహిళ ఎలాగోలా అక్కడి నుండి తప్పించుకుని బీజేపీ ఎమ్మెల్యే నంద్ కిషోర్ సహాయంతో మే 5, 2026న పోలీసులకు ఫిర్యాదు చేసింది. ఈ ఎఫ్ఐఆర్ (FIR)లో నవేద్ అలియాస్ నవీన్ రాణా, ఖాలిద్ హుస్సేన్, మౌలానా కలీం సిద్దిఖీ సహా మొత్తం 16 మంది నిందితుల పేర్లను చేర్చారు. ప్రధాన నిందితుడు ఖాలిద్ హుస్సేన్ను పోలీసులు అరెస్టు చేసి జైలుకు పంపారు. మిగిలిన వారి కోసం గాలింపు చర్యలు కొనసాగుతున్నాయి.