తమిళనాడు, వాడిపట్టి: ఇంట్లోకి చొరబడి పదో తరగతి చదువుతున్న విద్యార్థినిపై లైంగిక వేధింపులకు పాల్పడిన తమిళగ వెట్రి కళగం (TVK) నాయకుడిని పోలీసులు పోక్సో చట్టం కింద అరెస్టు చేశారు.
మధురై జిల్లా, చోళవందన్ సమీపంలోని కీళమాతూర్ గ్రామానికి చెందిన కన్నన్ (21), తన నాయనమ్మ ఇంట్లో ఉంటూ పెయింటర్గా పనిచేస్తున్నాడు. అతను ప్రస్తుతం టీవీకే (TVK) పార్టీలో నాయకుడిగా కొనసాగుతున్నాడు. అదే ప్రాంతానికి చెందిన 10వ తరగతి చదువుతున్న విద్యార్థిని ఇంట్లోకి నిన్న రాత్రి కన్నన్ చొరబడి లైంగిక వేధింపులకు పాల్పడ్డాడని ఆరోపణలు వచ్చాయి.
విద్యార్థిని కేకలు వేయడంతో, ఆ శబ్దం విని తల్లిదండ్రులు అక్కడికి చేరుకున్నారు. వారిని చూసిన కన్నన్ అక్కడి నుండి పారిపోయాడు. జరిగిన విషయాన్ని విద్యార్థిని తన తల్లిదండ్రులకు చెప్పి కన్నీరుమున్నీరైంది. అనంతరం విద్యార్థిని తల్లి సమయనల్లూరు ఆల్ ఉమెన్ పోలీస్ స్టేషన్లో ఫిర్యాదు చేశారు. పోలీసులు పోక్సో చట్టం కింద కేసు నమోదు చేసి, కన్నన్ను అరెస్టు చేసి విచారణ జరుపుతున్నారు.