హజీపూర్: బీహార్లోని హజీపూర్లో ఒక షాకింగ్ ఘటన వెలుగులోకి వచ్చింది. యూపీలోని జ్యోతి మౌర్య – అలోక్ మౌర్య కేసును తలపిస్తూ, ఒక బీపీఎస్సీ (BPSC) ఉపాధ్యాయురాలు తన భర్తకు ద్రోహం చేసినట్లు ఆరోపణలు ఎదుర్కొంటోంది. తన భర్త తనను అభ్యంతరకర స్థితిలో తన కాలేజీ స్నేహితుడితో పట్టుకున్నాడని, ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది.
అసలేం జరిగింది? భర్త అమన్ కుమార్ కథనం ప్రకారం, 2013లో గుంజన్ కుమారితో వివాహం జరిగింది. అప్పట్లో ఆమె ఇంటర్మీడియట్ మాత్రమే చదివి ఉంది. ఆమె చదువును కొనసాగించాలన్న ఆశను గౌరవించి, ఆర్థిక ఇబ్బందులున్నా సరే, 2022లో తన పూర్వీకుల ఆస్తిలో కొంత భూమిని అమ్మి ఆమెను బి.ఈ.డి (B.Ed) పూర్తి చేయించాడు. ఫలితంగా జనవరి 2024లో ఆమె బీపీఎస్సీ ఉపాధ్యాయురాలిగా ఎంపికైంది.
శిక్షణ సమయంలోనే ద్రోహం: ఉపాధ్యాయురాలిగా శిక్షణ పొందుతున్న సమయంలో, ఆమెకు తన కాలేజీ స్నేహితుడైన ప్రేమ్ ప్రకాష్తో పరిచయం ఏర్పడింది. ఇద్దరికీ ఉపాధ్యాయ ఉద్యోగాలు రావడంతో వీరి మధ్య సాన్నిహిత్యం పెరిగింది. తన భార్య దార్జిలింగ్ వెళ్తున్నానని చెప్పి అబద్ధం ఆడి ప్రియుడితో గడుపుతోందని భర్త ఆరోపించాడు. మే 23న తన భార్య హజీపూర్లోని ఒక అద్దె ఇంట్లో తన ప్రియుడితో అభ్యంతరకర స్థితిలో ఉండగా అమన్ కుమార్ పట్టుకున్నాడు. వెంటనే 112కు సమాచారం అందించినా, స్థానికులే అప్రమత్తమై తలుపులు తీయించారు. ఈ గొడవకు సంబంధించిన వీడియో ప్రస్తుతం వైరల్ అవుతోంది.
కొడుకు చెప్పిన నిజం: ఈ ఘటనపై వారి 10 ఏళ్ల కొడుకు స్పందిస్తూ, “సుపాల్లో ఉన్నప్పుడు ఒక అంకుల్ ఇంటికి వచ్చేవారు, అమ్మ ఆయనను తన స్నేహితుడిగా చెప్పేది. ఇప్పుడు నేను అమ్మతో ఉండాలనుకోవట్లేదు” అని ఆవేదన వ్యక్తం చేశాడు. తనను అమ్మ కొట్టేదని, ఎవరికీ ఫిర్యాదు చేయొద్దని బెదిరించేదని బాలుడు పేర్కొన్నాడు.
కోర్టులో విడాకుల పిటిషన్: ప్రస్తుతం ఈ వ్యవహారం కోర్టులో ఉంది. భార్య తన భర్తపై అక్రమ సంబంధం ఆరోపణలు చేస్తూ విడాకులకు దరఖాస్తు చేయగా, భర్త ఆమె ఆరోపణలను ఖండించాడు. భార్య స్నేహితురాలే తనకు ఈ అక్రమ సంబంధం గురించి సమాచారం ఇచ్చిందని, ఆమె కోర్టులో సాక్ష్యం చెప్పేందుకు సిద్ధంగా ఉందని భర్త పేర్కొన్నాడు. ప్రస్తుతం ఈ ఉదంతం స్థానికంగా పెద్ద చర్చకు దారితీసింది.