ఏ బంధం కూడా ఒక్క రోజులో ఏర్పడదు. ఇద్దరు వ్యక్తులు కలిసి సమయం గడిపేటప్పుడే ఒకరి అలవాట్లు మరొకరికి అర్థమవుతాయి. కొన్నిసార్లు భాగస్వామికి నచ్చని చిన్న అలవాట్లు కూడా బంధం తెగిపోవడానికి కారణమవుతాయి. సోషల్ మీడియాలో వైరల్ అవుతున్న ఈ వింత బ్రేకప్ స్టోరీ ఇప్పుడు అందరినీ ఆశ్చర్యపరుస్తోంది.
అసలేం జరిగింది? ఎలీసా (పేరు మార్చబడింది) అనే యువతి ఒక డేటింగ్ యాప్ ద్వారా ఒక అబ్బాయితో పరిచయం పెంచుకుంది. కొన్నాళ్లు మాట్లాడుకున్నాక, వారిద్దరూ కలిసి సినిమాకు వెళ్లాలని ప్లాన్ చేసుకున్నారు. డేటింగ్ యాప్ ద్వారా పరిచయమై నేరుగా కలవడం ఇదే మొదటిసారి. సినిమా హాలుకు వెళ్లాక బాయ్ఫ్రెండ్ ఇద్దరికీ టిక్కెట్లు కొని థియేటర్లోకి తీసుకెళ్లాడు.
సినిమాకు ముందే ఖాళీ.. సినిమా ప్రారంభానికి ముందు వారు పాప్కార్న్ మరియు ఎలీసాకు ఇష్టమైన ‘మాల్టీజర్స్’ (Maltesers) చాక్లెట్ల బ్యాగ్ కొనుక్కున్నారు. సినిమా మొదలవకముందే ఎలీసా చాక్లెట్లు తినడం మొదలుపెట్టింది. “సినిమా మొదలవ్వనివ్వు” అని అబ్బాయి వారించినా, ఎలీసా వినలేదు. సినిమా మొదలైన 10 నిమిషాలకే ఆ చాక్లెట్ల డబ్బా మొత్తం ఖాళీ చేసేసింది. ఆమె అతిగా తినడం చూసి బాయ్ఫ్రెండ్ వింతగా, అసహ్యంగా చూడటం మొదలుపెట్టాడు.
సినిమా అయిపోగానే బ్రేకప్.. సినిమా చూస్తున్నంత సేపు అబ్బాయి చాలా అసహనంగా ఉన్నాడు. సినిమా పూర్తి కాగానే, ఏమాత్రం ఆలోచించకుండా ఎలీసాతో బ్రేకప్ చెప్పేశాడు. కేవలం త్వరగా స్నాక్స్ తినేసిందనే కారణంతోనే అతను ఆమెతో విడిపోయాడు.
నెటిజన్ల స్పందన: ఈ వింత బ్రేకప్ స్టోరీ సోషల్ మీడియాలో వైరల్ కావడంతో, నెటిజన్లు రకరకాలుగా స్పందిస్తున్నారు. “అమ్మాయికి మంచిదే జరిగింది, కేవలం స్నాక్స్ తిన్నందుకు బ్రేకప్ చెప్పే బాయ్ఫ్రెండ్ ఎందుకు? అసలు ఆ అబ్బాయి ప్రవర్తన సరిగ్గా లేదు,” అంటూ ఎలీసాకు మద్దతుగా కామెంట్లు చేస్తున్నారు.