MrBeast and CarryMinati Melody Reel Viral: భారతదేశపు ప్రముఖ యూట్యూబర్ క్యారీమినాటీ (అజయ్ నగర్) మరోసారి వార్తల్లో నిలిచారు. ఈసారి ప్రపంచంలోనే అతిపెద్ద కంటెంట్ క్రియేటర్ ‘మిస్టర్బీస్ట్’ (జిమ్మీ డొనాల్డ్సన్)తో కలిసి చేసిన ఒక వీడియో సోషల్ మీడియాను షేక్ చేస్తోంది.
వైరల్ వీడియో విశేషాలు: ఇటీవల క్యారీమినాటీ, మిస్టర్బీస్ట్లు ఒకరినొకరు కలుసుకున్నారు. ఈ సందర్భంగా వారు ఇటీవల బాగా వైరల్ అయిన ప్రధాని నరేంద్ర మోదీ మరియు జార్జియా మెలోనీల ‘మెలోడీ’ వీడియోను రీక్రియేట్ చేశారు. ఈ రీల్ పోస్ట్ చేసిన కొద్ది గంటల్లోనే సోషల్ మీడియాలో దావానలంలా వ్యాపించింది. ఇప్పటివరకు ఈ రీల్కు ఏకంగా 1.96 కోట్ల వ్యూస్ మరియు 1.3 మిలియన్లకు పైగా లైక్స్ వచ్చాయి. ఈ క్రేజీ కొలాబరేషన్ చూసి నెటిజన్లు ఆశ్చర్యపోతున్నారు. ఒక యూజర్, “GTA 6 రాకముందే ఊహించని కొలాబరేషన్!” అని కామెంట్ చేశారు.
వీడియోలో ఏముంది? ఈ వీడియోలో క్యారీమినాటీ చాలా ఉత్సాహంగా కనిపిస్తుండగా, పక్కనే ఉన్న మిస్టర్బీస్ట్ తనదైన శైలిలో నవ్వుతూ మెలోడీ చాక్లెట్ ప్యాకెట్ను కెమెరా ముందు చూపిస్తారు. “బయటి దేశాల స్నేహితులకు బహుమతులు ఇస్తూ ఉండాలి” అని క్యారీ ఈ వీడియోకు క్యాప్షన్ ఇచ్చారు. భారతదేశంలో బాగా వైరల్ అయిన ఆ ‘మెలోడీ’ మీమ్ను ఉద్దేశించే ఈ వీడియోను రూపొందించారు.
సోషల్ మీడియాలో క్రియేటర్ల మధ్య జరుగుతున్న ఇలాంటి సరికొత్త ప్రయోగాలు ఫ్యాన్స్ను విపరీతంగా ఆకట్టుకుంటున్నాయి.