భారతదేశంలో ప్రయాణం అంటేనే ముందుగా గుర్తొచ్చేది ‘భారతీయ రైల్వే’. మన దేశంలోని రైళ్లలో ఉండే ఏసీ కోచ్లు, లగ్జరీ సౌకర్యాలు చూసి ఇప్పుడు మన పొరుగు దేశమైన పాకిస్థాన్కు చెందిన వారు కూడా ప్రశంసిస్తున్నారు.
మొదటిసారి రైలు చూసి ఆశ్చర్యం: సోషల్ మీడియాలో ప్రస్తుతం ఒక వీడియో వైరల్ అవుతోంది. బిలాల్ ఆజం అనే పాకిస్థానీ పర్యాటకుడు తన బృందంతో కలిసి వాఘా బోర్డర్ దాటి, అమృత్సర్ నుండి ఢిల్లీకి రైలులో ప్రయాణించాడు. రైలులోని ఏసీ కంపార్ట్మెంట్ చూడగానే, అతను ఆశ్చర్యంతో “వాహ్ భయ్యా.. మజా ఆగయా!” అని ఉద్వేగంగా అన్నాడు. రైలులోని సౌకర్యాలను చూసి అతని స్నేహితులు కూడా నోరెళ్లబెట్టారు. ముఖ్యంగా ప్రతి సీటుకు ప్రత్యేకంగా ఉన్న ‘ఏసీ వెంట్స్’ అతన్ని ఎంతగానో ఆకట్టుకున్నాయి. పాకిస్థాన్లోని లోయర్ ఏసీ క్లాసుల్లో కూడా ఇలాంటి పర్సనల్ ఏసీ వెంట్స్ ఉండవని అతను పేర్కొన్నాడు.
థర్డ్ క్లాస్ ఎకానమీకే ఫిదా: అతను ప్రయాణించింది ‘థర్డ్ క్లాస్ ఎకానమీ’ కోచ్లో అయినప్పటికీ, అది చూసి ఫస్ట్ క్లాస్ ఏసీలో కూర్చున్నంత సంబరపడిపోయారు. ప్రతి కంపార్ట్మెంట్లో ఉన్న స్టడీ లైట్లు, పెద్ద అద్దం చూసి వారు మురిసిపోయారు. ‘బీయింగ్ ఏ ట్రావెలర్ – బిలాల్ ఆజం’ అనే ఫేస్బుక్ ఖాతాలో షేర్ చేసిన ఈ వీడియోను లక్షలాది మంది వీక్షించారు.
నెటిజన్ల ఫన్నీ రియాక్షన్స్: ఈ వీడియోపై నెటిజన్లు రకరకాలుగా స్పందిస్తున్నారు:
- ఒక యూజర్: “బ్రదర్, ఇది కేవలం థర్డ్ క్లాస్ ఎకానమీ మాత్రమే, ఫస్ట్ ఏసీ ఇంకా అద్భుతంగా ఉంటుంది” అని రాశారు.
- మరొకరు: “ఒకసారి భారతీయ రైల్వేలోని జనరల్ కంపార్ట్మెంట్ కూడా చూడండి బ్రదర్” అని సరదాగా కామెంట్ చేశారు.
- మరో నెటిజన్: “అతన్ని ఒకసారి బీహార్ వెళ్లే రైలులో కూర్చోబెట్టండి, అప్పుడు అసలైన సంగతి అర్థమవుతుంది” అని ఫన్నీగా వ్యాఖ్యానించారు.