అంతర్జాతీయ విభాగం: అమెరికాలోని ఫ్లోరిడా రాష్ట్రం, ఒకాలా నగరంలో కుటుంబ బంధాలను కలవరపరిచే ఒక ఘటన వెలుగులోకి వచ్చింది. ఓ మహిళ తన 15 ఏళ్ల సవతి కుమారుడితో అనుచిత సంబంధం పెట్టుకున్నారనే ఆరోపణలపై అరెస్టయ్యారు.
నివేదికల ప్రకారం, నర్సుగా పనిచేస్తున్న యేట్స్ అనే మహిళ తన ఇద్దరు చిన్న పిల్లలను నిద్రపుచ్చిన తర్వాత, ఇంట్లో ఉన్న 15 ఏళ్ల సవతి కుమారుడితో అనుచితంగా ప్రవర్తించినట్లు ఆరోపణలు ఉన్నాయి. ఈ సమయంలో అనుకోకుండా ఇంటికి వచ్చిన ఆమె భర్త వారిని గమనించడంతో విషయం బయటపడింది.
పోలీసు పత్రాల ప్రకారం, ఈ ఘటన గత ఏడాది జూలైలో ఫ్లోరిడాలోని ఒకాలాలో జరిగింది. వేసవి సెలవుల సందర్భంగా ఆ బాలుడు తన తండ్రి ఇంటికి వచ్చాడు. గత కొన్ని వారాలుగా యేట్స్ తనతో అనుచితంగా ప్రవర్తించేందుకు ప్రయత్నించిందని బాలుడు దర్యాప్తు అధికారులకు తెలిపాడు.
ఘటన జరిగిన రోజు బాలుడి తండ్రి విధుల్లో ఉండగా, ఇద్దరూ ఇంట్లో వీడియో గేమ్స్ ఆడుతూ, సినిమా చూస్తూ ఉన్నారు. ఈ సమయంలో యేట్స్ బాలుడికి దగ్గర కావడం ప్రారంభించినట్లు ఆరోపణలు ఉన్నాయి. అనంతరం ఆమె మైనర్ బాలుడితో లైంగిక చర్యకు పాల్పడినట్లు దర్యాప్తులో వెల్లడైంది.
అదే సమయంలో ఇంటికి తిరిగి వచ్చిన తండ్రి ఈ పరిస్థితిని గమనించి దిగ్భ్రాంతికి గురయ్యాడు. వెంటనే బాలుడిని అతని తాతయ్య, అమ్మమ్మల ఇంటికి పంపించినట్లు సమాచారం.
మరుసటి రోజు యేట్స్ బాలుడికి ఫోన్ చేసి, జరిగిన ఘటనపై విచారం వ్యక్తం చేసినట్లు పోలీసు పత్రాల్లో పేర్కొన్నారు. ఈ ఘటనకు ముందే ఆమె తనతో అనుచితంగా మాట్లాడేదని, వ్యక్తిగత విషయాలు పంచుకునేదని బాలుడు తెలిపాడు.
ఈ విషయంపై బాలుడి తండ్రి నేరుగా ఫిర్యాదు చేయకపోయినప్పటికీ, ఒక బంధువు పోలీసులకు సమాచారం అందించడంతో కేసు నమోదు చేసి దర్యాప్తు ప్రారంభించారు.
దర్యాప్తు సందర్భంగా యేట్స్ కొన్ని విషయాలను అంగీకరించినట్లు నివేదికలు చెబుతున్నాయి. ప్రస్తుతం ఆమెపై మైనర్కు సంబంధించిన లైంగిక నేరాల కింద కేసులు నమోదు చేసి విచారణ కొనసాగిస్తున్నారు.
పోలీసులు ఈ వ్యవహారంపై సమగ్ర దర్యాప్తు నిర్వహిస్తూ, కేసుకు సంబంధించిన అన్ని ఆధారాలను పరిశీలిస్తున్నారు.