ఉత్తర ప్రదేశ్ క్రైమ్ న్యూస్: ఉత్తర ప్రదేశ్లోని గోరఖ్పూర్ నుండి ఒక విస్తుపోయే ఘటన వెలుగులోకి వచ్చింది. గోరఖ్నాథ్ పోలీస్ స్టేషన్ పరిధిలోని ఒక గ్రామానికి చెందిన మహిళ తన భర్త, మామ మరియు మరిదిపై తీవ్రమైన ఆరోపణలు చేసింది.
ఆ ముగ్గురూ తనపై బలవంతం చేస్తున్నారని సదరు మహిళ ఆరోపించింది. ఇంట్లోని మగవారు తనతో బలవంతంగా శారీరక సంబంధం పెట్టుకోవడానికి ప్రయత్నిస్తున్నారని, అదనపు కట్నం కోసం కుటుంబం అంతా కలిసి తనను వేధిస్తున్నారని ఆమె పేర్కొంది.
ప్రస్తుతం తనను ఇంటి నుండి గెంటివేశారని ఆమె ఆవేదన వ్యక్తం చేసింది. దీనిపై ఆమె తన పుట్టింటి వారితో కలిసి పోలీస్ స్టేషన్కు చేరుకుని ఫిర్యాదు చేసింది. షాపూర్ పోలీస్ స్టేషన్ పరిధిలోని ఒక యువకుడితో మార్చి 10, 2026న తన వివాహం జరిగిందని ఆమె తెలిపింది. పెళ్లి కోసం తన కుటుంబ సభ్యులు రూ. 1 కోటి వరకు ఖర్చు చేసినప్పటికీ, అత్తగారింటి వారు ఇంకా కట్నం కావాలని వేధిస్తున్నారని పేర్కొంది.
భర్త అరాచకం
శారీరకంగా కూడా తనను హింసిస్తున్నారని ఆమె ఆరోపించింది. పెళ్లయ్యాక అత్తగారింటికి వెళ్ళిన మొదటి రోజే (శోభనం రాత్రి), భర్త తన పుట్టింటి వారిని దూషిస్తూ.. “పెళ్లిలో మాకు అవమానం జరిగింది, మాకు రావాల్సిన గౌరవం దక్కలేదు, కట్నం కూడా సరిగ్గా ఇవ్వలేదు” అని గొడవ పడ్డాడు. తాను దీనిని వ్యతిరేకించినందుకు భర్త తనను కొట్టి, బలవంతంగా శారీరక సంబంధం పెట్టుకున్నాడని ఆమె తెలిపింది. “ఇకపై రోజూ ఇలాగే జరుగుతుంది, లేదంటే నిన్ను చంపేస్తా” అని భర్త బెదిరించినట్లు ఆమె పేర్కొంది.
మరుసటి రోజే అత్తామామలు కారు కావాలని డిమాండ్ చేశారని, ఈ విషయం భర్తకు చెబితే.. “వారు అడిగింది ఇచ్చేయ్” అని అతను కూడా వారికే మద్దతు పలికాడని ఆమె తెలిపింది. పెళ్లయిన నాలుగు రోజుల తర్వాత భర్త పని మీద బయటకు వెళ్ళిన సమయంలో, తాను గదిలో నిద్రిస్తుండగా మరిది లోపలికి వచ్చి తనను అసభ్యంగా తాకడం (Bad Touch) మొదలుపెట్టాడని ఆమె ఆరోపించింది. తాను కేకలు వేయడంతో మరిది గది నుండి పారిపోయాడని తెలిపింది.
మామ అమానుషం
ఈ విషయంపై అత్తను అడగ్గా.. “నేను వదినకు అన్నం పట్టుకెళ్ళాను, ఆమె ఎందుకు అరుస్తోందో తెలియదు” అని మరిది అబద్ధం చెప్పాడని బాధితురాలు పేర్కొంది. కొన్ని రోజుల తర్వాత ఇంట్లో ఎవరూ లేని సమయంలో, తాను నిద్రిస్తుండగా మామ తన గదిలోకి వచ్చి తన చేతిని పట్టుకోవడానికి ప్రయత్నించాడని ఆమె తెలిపింది. నిద్రలేచి షాక్కు గురైన తనతో.. “ఏం పర్వాలేదు, నాతో సంబంధం పెట్టుకో.. ఇంట్లో అందరూ నిన్ను గౌరవిస్తారు, నిన్ను ఎవరూ ఏమీ అనరు” అని మామ అసభ్యంగా మాట్లాడాడని ఆమె ఆరోపించింది.
అంతలోనే కుటుంబ సభ్యులు రావడంతో మామ బయటకు వెళ్ళిపోయాడని, ఈ విషయం భర్తకు చెప్పినా అతను పట్టించుకోలేదని ఆమె తెలిపింది. పెళ్లయిన 10 రోజుల తర్వాత “నువ్వు పుట్టింటికి వెళ్లి తిరిగి వచ్చేటప్పుడు కారుతో రావాలి” అని అత్తామామలు నిబంధన పెట్టారు. తాను తిరిగి వచ్చాక కారు తీసుకురానందుకు పెద్ద గొడవ చేసి, తనను ఇంటి నుండి బయటకు గెంటివేశారని ఆమె వివరించింది.
దీనితో ఆమె తన తల్లిదండ్రుల వద్దకు చేరుకుని పోలీసులకు ఫిర్యాదు చేసింది. బాధితురాలి ఫిర్యాదు మేరకు పోలీసులు అత్తామామలు, భర్త మరియు మరిదిపై కేసు నమోదు చేసి దర్యాప్తు చేస్తున్నారు.