బ్రిటన్కు చెందిన 79 ఏళ్ల ప్రముఖ అపర కుబేరుడు ‘సర్ బెెంజమిన్ స్లేడ్’ తన వృద్ధాప్యంలో ఉన్న ఈ తరుణంలో తనకోసం ఒక యువతిని భార్యగా వెతుకుతున్నారు.
బ్రిటన్లోని సోమర్సెట్ ప్రాంతంలో ఉన్న 50 గదులు కలిగిన అత్యంత చారిత్రాత్మక, ప్రసిద్ధ ‘మాన్సెల్ హౌస్’ (Maunsel House) అనే భారీ ప్యాలెస్కు ఈయనే అధిపతి. వయసు పైబడుతుండటంతో.. తన తదనంతరం తనకున్న కోట్లాది రూపాయల ఆస్తులను, ఈ భారీ సామ్రాజ్యాన్ని ఎవరు చూసుకుంటారు? ఎవరు ముందుకు నడిపిస్తారు? అనే ఆందోళన ఆయనలో మొదలైంది.
తనను వివాహం చేసుకునే మహిళకు ఈ విలాసవంతమైన ప్యాలెస్లో రాణిలా బతికే భాగ్యం, భారీగా పాకెట్ మనీ (అలవెన్స్) మరియు లగ్జరీ కార్లతో కూడిన విఐపి (VIP) లైఫ్స్టైల్ లభిస్తుందని ఆయన ఆఫర్ల వర్షం కురిపించారు. అయితే, ఈ సర్వసౌఖ్యాలతో కూడిన విలాసవంతమైన జీవితాన్ని సొంతం చేసుకోవడానికి ఆయన ఒక ముఖ్యమైన నిబంధనను విధించారు.
ఆయన పెట్టిన ఆ వింత నిబంధన ఏంటి?
తనను పెళ్లాడబోయే వధువు.. తన కుటుంబ వారసత్వాన్ని, సంప్రదాయాన్ని తర్వాతి తరానికి తీసుకెళ్లేందుకు ఖచ్చితంగా ఒక ‘వారసుడిని’ (సంతానాన్ని) కని ఇవ్వాలి. ఇదే ఆయన పెట్టిన ఏకైక మరియు ముఖ్యమైన కండిషన్.
టీవీల్లో, పేపర్లలో ప్రకటనలు!
తనకు తగ్గ జీవిత భాగస్వామిని వెతుక్కోవడం కోసం ఆయన కేవలం మ్యాట్రిమోనియల్ సైట్లను మాత్రమే కాకుండా.. ఏకంగా ప్రముఖ వార్తాపత్రికలు, చివరికి టెలివిజన్ (టీవీ) ఛానళ్లలో కూడా భారీగా ప్రకటనలు (Ads) ఇచ్చారు.
ఈ ప్రకటనలు చూసి చాలా మంది యువతులు ఈయనను పెళ్లి చేసుకోవడానికి, ఆ ప్యాలెస్లో అడుగుపెట్టడానికి ఆసక్తి చూపుతున్నారు. అయితే, సర్ బెెంజమిన్ స్లేడ్ మాత్రం మరో మాట చెబుతున్నారు. కేవలం తన డబ్బు, ఆస్తిపాస్తులను చూసి వచ్చే అమ్మాయిలను తాను నమ్మనని.. తనపై నిజమైన ప్రేమ, ఆప్యాయత చూపించే మహిళనే తాను భార్యగాAccept చేస్తానని స్పష్టం చేశారు.
ప్రస్తుతం ఈ వింత వార్త అంతర్జాతీయంగానే కాకుండా సోషల్ మీడియా ప్లాట్ఫామ్స్లో విపరీతంగా వైరల్ అవుతోంది. దీనిపై నెటిజన్లు భిన్నమైన కామెంట్లు పెడుతూ పెద్ద ఎత్తున చర్చలు జరుపుతున్నారు.