25 ఏళ్ల మహిళ 16 ఏళ్ల బాలికపై అత్యాచారం చేసింది.. కేరళలో దిగ్భ్రాంతికరమైన ఘటన.. అసలు నిజం ఎలా బయటపడిందో మీకు తెలుసా?

తిరువనంతపురం: మైనర్ బాలికపై 25 ఏళ్ల యువతి లైంగిక దాడికి పాల్పడిన ఘటనపై ఒక మహిళ అరెస్ట్ కావడం కేరళలో తీవ్ర కలకలం రేపింది.

ఇదే తరహా కేసులో గతంలో కూడా అరెస్ట్ అయిన సదరు యువతి.. జైలు నుండి వచ్చిన తర్వాత మళ్లీ అదే తప్పుకు ఒడిగట్టడం స్థానికంగా పెను సంచలనంగా మారింది.

స్నేహితురాలి కుమార్తెపై లైంగిక వేధింపులు:
కేరళ రాష్ట్రంలోని కణ్ణూర్, తాలిపరంబు ప్రాంతానికి చెందిన స్నేహ మెర్లిన్ (25) అనే యువతి కొన్ని నెలల క్రితం తన స్నేహితురాలి ఇంటికి వెళ్ళింది. ఆ రోజు రాత్రి అక్కడే బస చేసిన స్నేహ.. రాత్రి సమయంలో నిద్రిస్తున్న తన స్నేహితురాలి కుమార్తె (16 ఏళ్ల మైనర్ బాలిక) పై లైంగిక వేధింపులకు పాల్పడి అరాచకం సృష్టించింది.

అవగాహన సదస్సుతో వెలుగుచూసిన నగ్నసత్యం:
ఈ విషయాన్ని ఎవరికైనా చెబితే తీవ్ర పరిణామాలు ఉంటాయని నిందితురాలు బెదిరించడంతో, భయపడిపోయిన ఆ బాలిక ఈ విషయాన్ని ఎవరికీ చెప్పకుండా దాచేసింది. ఇదిలా ఉండగా, కొన్ని రోజుల క్రితం బాలిక చదువుతున్న పాఠశాలలో చైల్డ్ వెల్ఫేర్ డిపార్ట్‌మెంట్ (శిశు సంక్షేమ శాఖ) ఆధ్వర్యంలో బాలల హక్కులు, రక్షణపై ఒక అవగాహన కార్యక్రమాన్ని నిర్వహించారు. ఆ సదస్సులో లభించిన ధైర్యంతో సదరు బాలిక, స్నేహ మెర్లిన్ తనపై చేసిన అరాచకం గురించి అధికారులకు వివరించింది.

నిందితురాలి అరెస్ట్:
బాలిక చెప్పిన విషయాలు విని దిగ్భ్రాంతికి గురైన శిశు సంక్షేమ శాఖ అధికారులు వెంటనే మేల్‌పరంబు పోలీస్ స్టేషన్‌లో అధికారికంగా ఫిర్యాదు చేశారు. ఆ ఫిర్యాదు ఆధారంగా రంగంలోకి దిగిన పోలీసులు స్నేహ మెర్లిన్‌ను పోక్సో చట్టం కింద అరెస్ట్ చేశారు. కాగా, గత కొన్ని సంవత్సరాల క్రితం కూడా ఒక 12 ఏళ్ల బాలికపై లైంగిక దాడికి పాల్పడిన కేసులో మెర్లిన్ అరెస్ట్ అయ్యింది. ఇప్పుడు జైలు నుండి విడుదలయ్యాక మళ్లీ అదే తరహా ఘోరానికి ఒడిగట్టి పోలీసులకు చిక్కడం గమనార్హం.