సోషల్ మీడియాలో ప్రతిరోజూ వేలకొద్దీ వింత వీడియోలు వైరల్ కావడం సాధారణం. తాజాగా ఒక యువతికి, కోతికి మధ్య కూల్ డ్రింక్ బాటిల్ కోసం నడిరోడ్డుపై జరిగిన ఘర్షణకు సంబంధించిన వీడియో ఇంటర్నెట్లో కార్చిచ్చులా వ్యాపిస్తోంది.
ఎక్స్ (X) ప్లాట్ఫామ్లో షేర్ చేసిన ఈ వీడియోలో, ఒక జపనీస్ యువతి కూల్ డ్రింక్ తాగుతూ సరదాగా నడుచుకుంటూ వెళ్తుండగా, అకస్మాత్తుగా ఒక కోతి వచ్చి ఆమె చేతిలోని బాటిల్ను లాక్కోవడానికి ప్రయత్నిస్తుంది. ఆ యువతి బాటిల్ ఇవ్వకుండా కోతిని కొట్టడంతో, కోతికి కోపం వచ్చి ఆమెను చెంపదెబ్బలు కొడుతూ, జుట్టు పట్టుకుని దారుణంగా దాడి చేస్తుంది.
ఒక కోతి నుండి ఎలాగోలా తన కూల్ డ్రింక్ బాటిల్ను కాపాడుకున్న ఆ యువతి, మళ్ళీ ప్రశాంతంగా వెళ్లడం ప్రారంభిస్తుంది. కానీ, మరో క్షణంలో వెనుక నుండి వచ్చిన మరో కోతి చాలా చాకచక్యంగా ఆ యువతి చేతిలోని బాటిల్ను లాక్కొని పారిపోతుంది. ఈ ఆసక్తికరమైన వీడియో నెటిజన్లను కడుపుబ్బా నవ్విస్తోంది.
అయితే, ఈ వీడియోను నిశితంగా గమనించిన నెటిజన్లు ఇది నిజం కాదని చెబుతున్నారు. కోతి కదలికలు మరియు గ్రాఫిక్స్ టెక్నిక్లను బట్టి చూస్తుంటే, ఇది 100 శాతం కృత్రిమ మేధస్సు (AI) సాంకేతికతతో సృష్టించబడిన ‘ఫేక్ వీడియో’ అని తేలింది.
వినోదం కోసం ఇలాంటి వీడియోలు బాగున్నా, వీటి వెనుక ఉన్న ప్రమాదాల గురించి అనేక ప్రశ్నలు తలెత్తుతున్నాయి. తప్పుడు సమాచారాన్ని వ్యాప్తి చేయడానికి మరియు ప్రజలను సులభంగా మోసం చేయడానికి AI సాంకేతికతను దుర్వినియోగం చేస్తున్నారని ఈ వీడియో మరోసారి నిరూపించింది. కాబట్టి, సోషల్ మీడియాలో వచ్చే ప్రతి వీడియోను నిజమని నమ్మవద్దని నిపుణులు హెచ్చరిస్తున్నారు.