ఆస్ట్రేలియా మహిళా క్రికెట్ జట్టు వైస్ కెప్టెన్ యాష్లీ గార్డనర్, తన భార్య మోనికా రైట్ను మోసం చేసినట్లు ఆరోపణలు ఎదుర్కొంటున్నారు. గతేడాది భారతదేశంలో జరిగిన మహిళల వన్డే వరల్డ్ కప్ సమయంలో ప్రారంభమైన వీరి విభేదాలు, సోమవారం నాడు మోనికా బహిరంగంగా స్పందించడంతో మరింత ముదిరాయి. యాష్లీ తన తోటి ఆస్ట్రేలియా క్రికెటర్తో సంబంధం కలిగి ఉందని మోనికా ఆరోపించారు.
ఈ జంట 2020లో డేటింగ్ యాప్ ద్వారా మొదటిసారి కలుసుకున్నారు. ఆ తర్వాత ఏప్రిల్ 2024లో ఒకరికొకరు ప్రపోజ్ చేసుకున్నారు. ఏప్రిల్ 2025లో బ్లూ మౌంటైన్స్లో జరిగిన ఒక వేడుకలో యాష్లీ, తన చిరకాల భాగస్వామి మోనికా రైట్ను వివాహం చేసుకున్నారు.
‘యాష్ ప్రవర్తనలో ఏదో తేడా ఉంది’ డైలీ మెయిల్ నివేదిక ప్రకారం, భారత పర్యటనలో ఉన్న 29 ఏళ్ల ఆల్ రౌండర్ (తాహిలా మెక్గ్రాత్కు డిప్యూటీగా నియమితులైన) యాష్లీ ప్రవర్తనలో ఏదో తేడా ఉందని గ్రహించిన మోనికా, వరల్డ్ కప్ మధ్యలోనే భారత్కు వచ్చారు.
“అదంతా కొంచెం వింతగా ఉంది,” అని ఒక ఇన్సైడర్ పేర్కొన్నారు. “యాష్ ప్రవర్తనలో ఏదో తేడా అనిపించింది, కానీ అది వరల్డ్ కప్ ఒత్తిడి వల్లనేమో అని మేము అనుకున్నాం.”
మోనికా భారత్కు చేరుకున్న తర్వాత పరిస్థితి “చాలా దారుణంగా” తయారైందని, యాష్లీ తనలా తాను లేదని సదరు మూలాలు తెలిపాయి. సిడ్నీకి తిరిగి వచ్చిన తర్వాత, భారత పర్యటనలో విషయాలు ఎందుకు “తేడాగా” అనిపించాయో యాష్లీ మోనికాకు వివరించారని సమాచారం. ఆ విషయం తెలిసి మోనికా “తీవ్రంగా కుంగిపోయారు” అని ఆ మూలాలు వెల్లడించాయి. ఆ తర్వాత కొద్ది కాలానికే వారి వివాహ బంధం ముగిసింది. ఈ జంట గతేడాది నవంబర్లో విడిపోయారు.
‘నా భార్య నన్ను మోసం చేసింది’ డైలీ మెయిల్ వీరి విడిపోవడం గురించి వార్తను ప్రచురించడంతో, ఈ విషయం బహిర్గతమైంది. ఆ వెంటనే, 24 ఏళ్ల ఆస్ట్రేలియా బ్యాటర్ జార్జియా వోల్ ఫోటోను షేర్ చేస్తూ, “నా భార్య ఈమెతోనే నన్ను మోసం చేసింది” అని మోనికా ఆరోపించారు.
ఈ దంపతులు కుటుంబ విస్తరణకు (పిల్లల కోసం) ప్లాన్ చేసుకుంటున్న సమయంలోనే ఈ విభేదాలు రావడంతో మోనికా మరింత బాధపడ్డారని నివేదిక పేర్కొంది. “వారు ఫెర్టిలిటీ క్లినిక్కు వెళ్లడానికి సిద్ధమయ్యారు. మోనికా ఆ అపాయింట్మెంట్ను రద్దు చేయాల్సి వచ్చింది,” అని ఇన్సైడర్ తెలిపారు.
‘ఒకరోజు ఆష్ వెళ్ళిపోయింది’ యాష్లీ గార్డనర్ సిడ్నీలోని తమ నివాసం నుండి వెళ్ళిపోతూ, కేవలం వారి వివాహ ఉంగరాలను మాత్రమే వదిలివెళ్లారని నివేదికలో పేర్కొన్నారు.
“ఒకరోజు ఆష్ వెళ్ళిపోయింది. మోనికా ఇంటికి వచ్చేసరికి, ఉంగరాలు తప్ప యాష్లీకి సంబంధించిన సామాన్లన్నీ మాయమయ్యాయి,” అని సదరు మూలం తెలిపింది. “ఆమె వివాహ ఉంగరాల పెట్టెను కబోర్డులోనే ఉంచి వెళ్ళిపోయింది. అంతే, ఇంకేమీ లేదు.”
వ్యక్తిగత జీవితంలో ఇన్ని గొడవలు జరుగుతున్నప్పటికీ, గత కొన్ని నెలల్లో యాష్లీ వృత్తిపరంగా ఎదుగుతూనే ఉంది. ఈ పరిణామాల మధ్యనే వివాహ బంధం విచ్ఛిన్నమైన విషయాన్ని క్రికెట్ ఆస్ట్రేలియా నేషనల్ సెలక్షన్ ప్యానెల్కు యాష్లీ వెల్లడించినట్లు సమాచారం. నవంబర్లో మహిళల బిగ్ బాష్ లీగ్ ప్రారంభానికి ముందు యాష్లీని సిడ్నీ సిక్సర్స్ కెప్టెన్గా నియమించారు.
ఈ నాయకత్వ నియామకాలకు సంబంధించిన చర్చల సమయంలోనే, యాష్లీ మళ్ళీ మోనికాతో కలిసి ఉండటానికి ప్రయత్నించినట్లు సమాచారం, కానీ చివరికి వారి సంబంధాన్ని కాపాడుకోలేకపోయారు.