నేటి పరుగుల ప్రపంచంలో మానవత్వం, ఇతరులకు సహాయం చేసే గుణం ఇంకా బతికే ఉన్నాయని నిరూపించే ఒక హృదయ విదారక సంఘటన ఢిల్లీలోని ఇందిరా గాంధీ అంతర్జాతీయ విమానాశ్రయంలో చోటుచేసుకుంది.
బెంగళూరుకు చెందిన కంటెంట్ క్రియేటర్ ‘రయాస్’ చేసిన ఒక చిన్న సహాయం, ప్రస్తుతం నెటిజన్ల మనసులను గెలుచుకుని సోషల్ మీడియాలో దావానలంలా వైరల్ అవుతోంది.
ఢిల్లీ విమానాశ్రయం యొక్క ఏరోబ్రిడ్జ్ (Aerobridge) ప్రాంతంలో ఒక ప్రయాణికుడు, విమానం బ్యాక్గ్రౌండ్లో ఉండేలా ఒంటరిగా సెల్ఫీ తీసుకోవడానికి చాలా సేపటి నుండి ఇబ్బంది పడుతున్నాడు. అతను సరిగ్గా ఫోటో తీసుకోలేక తడబడటాన్ని గమనించిన రయాస్, వెంటనే అతని వద్దకు వెళ్లి తానే ఫోటో తీసి పెడతానని ఎంతో ప్రేమగా ముందుకు వచ్చాడు.
రయాస్ చేసిన ఈ సహాయాన్ని సంతోషంగా స్వీకరించిన ఆ ప్రయాణికుడు, ఫోటోకు పోజ్ ఇస్తూ.. “నేను విమానంలో ప్రయాణించడం ఇదే మొదటిసారి” అని తన మనసులోని మాటను పంచుకున్నాడు. ఈ ఒక్క చిన్న మాట, రయాస్ చేసిన ఆ చిన్న సహాయాన్ని మరింత ప్రత్యేకమైనదిగా, ఎప్పటికీ మర్చిపోలేని ఒక జ్ఞాపకంగా మార్చేసింది.
విమాన ప్రయాణానికి సంబంధించిన ఆ మొదటి అనుభవాన్ని రయాస్ తన కెమెరాలో అందమైన ఫోటోలుగా బంధించి ఇవ్వడంతో, ఆ ప్రయాణికుడి ముఖంలో ఒక ప్రత్యేకమైన చిరునవ్వు, ప్రశాంతత కనిపించాయి. ఒక కొత్త ప్రయాణికుడి సంకోచాన్ని పోగొట్టి, అతని జీవితంలోని ఒక ముఖ్యమైన క్షణాన్ని అందమైన జ్ఞాపకంగా మార్చిన రయాస్ మానవత్వానికి సంబంధించిన ఈ వీడియో, ప్రస్తుతం ఇంటర్నెట్లో లక్షలాది వీక్షణలతో (Views) దూసుకుపోతూ ఎంతో మంది ప్రశంసలు అందుకుంటోంది.