ఢిల్లీ: ఢిల్లీలో ప్రధాని మోదీ నివాసం ఎదుట నేడు నిరసన తెలిపిన కాంగ్రెస్ నాయకులను ఢిల్లీ పోలీసులు బలవంతంగా ఈడ్చుకెళ్లి అరెస్టు చేశారు.
రాహుల్ గాంధీ, ప్రియాంక గాంధీ సహా పలువురు నాయకులను అరెస్ట్ చేశారు. ఈ క్రమంలోనే కుమార్తె ప్రియాంక గాంధీ కోసం ఆ మె తల్లి సోనియా గాంధీ ఢిల్లీ పోలీస్ స్టేషన్కు వెళ్లారు. అయితే పోలీసులు గేటు మూసివేసి అనుమతి నిరాకరించారు.
ప్రధానమంత్రి నరేంద్ర మోదీ నివాసం ఎదుట కాంగ్రెస్ నాయకులు నేడు ధర్నాకు దిగారు. దీంతో కాంగ్రెస్ నాయకులను పోలీసులు బలవంతంగా అరెస్టు చేశారు. వారిని పోలీసులు వాహనాల్లో వేర్వేరుగా తీసుకెళ్లారు.
అరెస్టు చర్యల అనంతరం ఢిల్లీలోని మందిర్ మార్గ్ పోలీస్ స్టేషన్లో ప్రియాంక గాంధీ సహా మరికొందరు కాంగ్రెస్ నాయకులను ఉంచినట్లు సమాచారం వెలువడింది. ఈ నేపథ్యంలో సోనియా గాంధీ తక్షణమే తన కారులో మందిర్ మార్గ్ పోలీస్ స్టేషన్కు వెళ్లారు.
రాహుల్ గాంధీ ముక్కు నుండి కారిన రక్తం.. రసాభాసగా మారిన ఢిల్లీ నిరసన.. ఏం జరిగింది?
అదేవిధంగా అరెస్టయిన రాహుల్ గాంధీ, అఖిలేష్ యాదవ్ సహా ఇతర రాజకీయ పార్టీల నాయకులను ఢిల్లీలోని ఛత్రసాల్ స్టేడియంలో ఉంచారు.