పాకిస్తాన్లో ఉన్న ప్రసిద్ధ బ్రాడ్ పీక్ శిఖరంపై చేపట్టిన పర్వతారోహణ యాత్రలో సంభవించిన ఘోరమైన హిమపాతంలో చిక్కుకుని, ప్రపంచ ప్రసిద్ధి గాంచిన నేపాల్ పర్వతారోహకుడు నిర్మల్ పుర్జా తన 43వ ఏట కన్నుమూశారు.
ప్రపంచంలోని 8,000 మీటర్ల కంటే ఎక్కువ ఎత్తు ఉన్న అన్ని శిఖరాలను ఆక్సిజన్ సాయం లేకుండా రెండుసార్లు అధిరోహించి చరిత్ర సృష్టించాలనే తన లష్య యాత్రలో భాగంగా ఆయన ఈ పర్వతారోహణలో పాల్గొన్న సమయంలో ఈ విషాదకర సంఘటన జరిగింది.
గత జూలై 30వ తేదీన 8,047 మీటర్ల ఎత్తు ఉన్న ఆ పర్వతంపై జరిగిన ఈ ప్రమాదంలో, నిర్మల్ పుర్జాతో కలిసి ప్రయాణించిన అనుభవజ్ఞులైన నేపాల్ మార్గదర్శకులు పుర్ బహదూర్ “యుక్తా” గురుంగ్ మరియు నిమా షెర్పా సహా మొత్తం పదిమంది పర్వతారోహకుల ప్రాణాలను బలిగొంది. ఈ వార్త అంతర్జాతీయ పర్వతారోహక రంగాన్ని, క్రీడాభిమానులను తీవ్ర దిగ్భ్రాంతికి, తీవ్ర శోకానికి గురిచేసింది.
నిర్మల్ పుర్జా మృతికి ప్రపంచ సినిమా, క్రీడా రంగానికి చెందిన పలువురు ప్రముఖులు సోషల్ మీడియా వేదికగా తమ నివాళులను, సానుభూతిని వ్యక్తం చేస్తున్నారు. ప్రసిద్ధ సర్వైవల్ నిపుణుడు బియర్ గ్రిల్స్, నటులు సోనమ్ కపూర్, విక్రాంత్ మాస్సే మరియు కుబ్రా సైత్ తదితరులు ఆయన ధైర్యసాహసాలను, రికార్డులను కొనియాడటంతో పాటు ఆయన కుటుంబ సభ్యులకు తమ గాఢ సానుభూతిని తెలిపారు.
Leave a Reply