హఠాత్తుగా చాక్లెట్, చిప్స్ లేదా తీపి పదార్థాలను తినాలనిపించే తీవ్రమైన కోరిక అనేది కేవలం నాలుక రుచి కోసం పడే ఆరాటం మాత్రమే కాదు, అది మన శరీరానికి అవసరమైన ఏదో ఒక పోషకాహార లోపాన్ని వ్యక్తపరిచే ఒక ముఖ్యమైన హెచ్చరిక అని పోషకాహార నిపుణులు వివరిస్తున్నారు.
దైనందిన జీవితంలో చాలామంది ఈ భావనను సాధారణ ఆకలి లేదా పిండివంటల (స్నాక్స్) పై ఉన్న కోరికగా మాత్రమే భావించి వదిలేస్తారు. కానీ, శరీరంలో ఏర్పడే నిర్దిష్ట ఖనిజాలు, విటమిన్ల లోపమే ఇటువంటి కొన్ని ప్రత్యేకమైన ఆహారాల పట్ల ఆకర్షణను కలిగిస్తుంది.
ఉదాహరణకు, హఠాత్తుగా చాక్లెట్ తినాలనే ఆలోచన ఎక్కువగా వస్తుంటే, శరీరంలో మెగ్నీషియం లోపం ఉందని అర్థం. మెగ్నీషియమే కండరాల కదలికలు, నాడుల వ్యవస్థ పనితీరు మరియు శక్తి ఉత్పత్తికి అత్యంత అవసరమైనది.
అదేవిధంగా, కారంగా, కరకరలాడే చిప్స్ లేదా ఉప్పు ఎక్కువగా ఉండే స్నాక్స్ కావాలని మనసు కోరుకుంటోందంటే, శరీరంలో సోడియం పరిమాణంలో లేదా నీటి శాతంలో (హైడ్రేషన్లో) లోపం ఉండవచ్చు. అంతేకాకుండా, నిరంతరం తీపి పదార్థాలను తినాలనిపించడం రక్త్వంలో శర్కర స్థాయిలు క్రమబద్ధంగా లేకపోవడాన్ని లేదా క్రోమియం, జింక్ వంటి పోషకాల లోపాన్ని సూచిస్తుంది.
కాబట్టి, ఇటువంటి ఆహారాలపై విపరీతమైన కోరిక కలిగినప్పుడు, ఆరోగ్యానికి హాని చేసే స్నాక్స్ను వెంటనే తిని ఆ ఆకలిని తీర్చుకునే బదులు, శరీరానికి అవసరమైన అసలైన పోషకాలను అందించడం అవసరం. చాక్లెట్ తినాలనిపించినప్పుడు డార్క్ చాక్లెట్, డ్రై ఫ్రూట్స్ లేదా విత్తనాలు (సీడ్స్) తినవచ్చు.
ఉప్పు రుచిని కోరుకున్నప్పుడు కొబ్బరి నీళ్లు, నిమ్మరసం లేదా వెజిటబుల్ సలాడ్లను తీసుకోవచ్చు. శరీర అవసరాన్ని అర్థం చేసుకుని సరైన ఆరోగ్యకరమైన ఆహారాలను ఎంచుకుని తినడం ద్వారా ఈ అనవసరమైన ఈవింగ్స్ (Cravings) ను అదుపు చేసి, శరీరాన్ని మరియు మనస్సును ఆరోగ్యంగా కాపాడుకోవచ్చు.
Leave a Reply