స్టార్ కెప్టెన్ శుభ్‌మన్ గిల్‌నే ఓవర్‌టేక్ చేశాడు గురూ..? “SRH ప్లేయర్‌కు పెరిగిన క్రేజ్”. వేలంలో పోటీ పడిన జట్లు. భారీ ధరకు దక్కించుకున్న ముఖ్యమైన టీమ్. ఆశ్చర్యంలో అభిమానులు..!!

పంజాబ్ క్రికెట్ అసోసియేషన్ కొత్తగా ప్రారంభించిన ‘షేర్-ఎ-పంజాబ్ టి20 లీగ్’ టోర్నమెంట్ మొదటి ప్లేయర్ వేలం క్రికెట్ వర్గాల్లో తీవ్ర సంచలనం సృష్టించింది.

ఈ వేలంలో ఊహించని మలుపుగా, భారత జట్టు స్టార్ కెప్టెన్ శుభ్‌మన్ గిల్ కంటే ఒక స్థానిక ఆటగాడికి ఎక్కువ మొత్తం చెల్లించడానికి ఫ్రాంచైజీ యజమానులు పోటీపడి మరీ దక్కించుకున్నారు.

ఈ వేలంలో స్టార్ ఆల్రౌండర్ సన్వీర్ సింగ్ అత్యంత ఖరీదైన ఆటగాడిగా అవతరించి అందరినీ ఆశ్చర్యపరిచాడు. ‘ఫజిల్కా ఫాల్కన్స్’ (Fazilka Falcons) జట్టు ఇతడిని దక్కించుకోవడానికి భారీ స్థాయిలో రూ. 13.20 లక్షలు వెచ్చించి వేలంలో సొంతం చేసుకుంది.

ఇందులో ఆసక్తికరమైన విషయమేమిటంటే, అదే ‘ఫజిల్కా ఫాల్కన్స్’ జట్టు భారత జట్టు కెప్టెన్ శుభ్‌మన్ గిల్‌ను తమ జట్టు ‘మార్కీ ప్లేయర్’గా ఒప్పందం చేసుకుంది. లీగ్ నిబంధనల ప్రకారం మార్కీ ఆటగాళ్లందరికీ స్థిరమైన మొత్తంగా రూ. 10 లక్షలు మాత్రమే నిర్ణయించారు. దీంతో, మార్కీ ఆటగాడైన శుభ్‌మన్ గిల్ కంటే వేలం ద్వారా ఎంపికైన సన్వీర్ సింగ్ ఎక్కువ ధరను పొంది రికార్డు సృష్టించాడు. దీని ద్వారా వీరిద్దరూ ఒకే జట్టు తరఫున బరిలోకి దిగనుండటం గమనార్హం.

29 ఏళ్ల సన్వీర్ సింగ్, పంజాబ్ జట్టు తరఫున డొమెస్టిక్ (స్థానిక) క్రికెట్‌లో రాణిస్తున్న ప్రతిభావంతుడైన ఆల్రౌండర్. అంతేకాకుండా, ఇతడు ఐపీఎల్ (IPL) టోర్నీలో సన్‌రైజర్స్ హైదరాబాద్ (SRH) జట్టు తరఫున కూడా ఆడాడు. ఇతని టి20 క్రికెట్ గణాంకాలు అద్భుతంగా ఉన్నాయి:

ఇప్పటివరకు 46 టి20 మ్యాచ్‌ల్లో ఆడి, 32.94 సగటు మరియు 180.06 అనే విద్వంసకర స్ట్రైక్ రేట్‌తో 560 పరుగులు సాధించాడు. బౌలింగ్‌లో కూడా తన వంతుగా 13 వికెట్లు పడగొట్టాడు. ఇది కాకుండా 25 ఫస్ట్ క్లాస్ మ్యాచ్‌లు, 41 లిస్ట్-ఎ మ్యాచ్‌ల్లో ఆడిన ఇతని ఆల్రౌండ్ ప్రతిభే వేలంలో జట్లు ఇతని వైపు మొగ్గు చూపేలా చేసింది.

ఈ టోర్నీలో పంజాబ్‌కు చెందిన ముందంజలో ఉన్న ఆటగాళ్లు కూడా మార్కీ ప్లేయర్లుగా బరిలోకి దిగుతున్నారు. శుభ్‌మన్ గిల్ మినహా అభిషేక్ శర్మ, అర్ష్‌దీప్ సింగ్, ప్రభ్‌సిమ్రన్ సింగ్, రమణ్‌దీప్ సింగ్ మరియు గుర్నూర్ బ్రార్ వంటి స్టార్ ఆటగాళ్లు రూ. 10 లక్షల వేతనంతో వేర్వేరు జట్లతో జతకట్టారు.