మన శరీరంలో గుండె ఏ స్థాయిలో అత్యంత ముఖ్యమైన అవయవంగా పరిగణించబడుతుందో, అదే స్థాయిలో మెదడు ఆరోగ్యాన్ని కాపాడుకోవడం కూడా చాలా చాలా అవసరమని వైద్య నిపుణులు హెచ్చరిస్తున్నారు.
సాధారణంగా, గుండెపోటు లేదా గుండె సంబంధిత రుగ్మతలపై చూపే శ్రద్ధలో సగం కూడా చాలామంది మెదడు ఆరోగ్యంపై చూపడం లేదు. ఈ నిర్లక్ష్యమే చాలామందికి పక్షవాతం (స్ట్రోక్) మరియు జ్ఞాపకశక్తి కోల్పోవడం వంటి తీవ్రమైన సమస్యలకు దారితీస్తోంది.
నేటి అత్యంత వేగవంతమైన ఆధునిక జీవనశైలి, తప్పుడు ఆహారపు అలవాట్లు, తగినంత నిద్ర లేకపోవడం మరియు తీవ్రమైన మానసిక ఒత్తిడి వంటి కారణాల వల్ల మెదడు సంబంధిత సమస్యలు చిన్న వయస్సు వారిలో కూడా పెరుగుతున్నాయి. శరీరంలోని అన్ని కార్యకలాపాలను నియంత్రించే ‘మాస్టర్ కంప్యూటర్’ వంటి మెదడుకు కావలసిన రక్త ప్రసరణ, ఆక్సిజన్ నిరంతరంగా సీరుగా అందేలా చూసుకోవడం ప్రతి ఒక్కరి బాధ్యత.
మెదడు ఆరోగ్యాన్ని మెరుగుపరుచుకోవడానికి ఆరోగ్యకరమైన ఆహారపు అలవాట్లు, రోజువారీ వ్యాయామం మరియు తగినంత నిద్ర చాలా అవసరం. అలాగే, అధిక రక్తపోటు (బిపి), మధుమేహం (షుగర్) మరియు అధిక మానసిక ఒత్తిడి అనేవి మెదడు నరాలను నేరుగా దెబ్బతీస్తాయి కాబట్టి, వీటిని ఎల్లప్పుడూ అదుపులో ఉంచుకోవాలని వైద్యులు గుర్తుచేస్తున్నారు.
కాబట్టి, గుండె లాగే మెదడు ఆరోగ్యాన్ని కూడా ప్రారంభంలోనే గమనించి సంరక్షించుకోవడం అవసరం. స్వల్ప తలతిరుగుడు, తీవ్రమైన తలనొప్పి, చేతులు కాళ్లు మొద్దుబారడం లేదా మాట తడబడటం వంటి లక్షణాలు కనిపిస్తే, దానిని సాధారణమైనదిగా నిర్లక్ష్యం చేయకుండా వెంటనే వైద్యుడిని సంప్రదించి సలహా, చికిత్స పొందాలి.
Leave a Reply