జాంబీలుగా మారిన యువకులు.! ఒకే చోట బొమ్మలాగా ఇంత సేపా..? హర్భజన్ సింగ్ విడుదల చేసిన దిగ్భ్రాంతికర వీడియో. నిజం తెలియకుండా మాట్లాడేశారే. పోలీసుల సంచలన వివరణ..!

భారత మాజీ క్రికెటర్, రాజ్యసభ సభ్యుడైన హర్భజన్ సింగ్ పంజాబ్‌లో డ్రగ్స్ (మాదకద్రవ్యాల) వాడకం గురించి సోషల్ మీడియాలో షేర్ చేసిన వీడియో నిజానికి వేరే రాష్ట్రంలో తీసినదని విచారణలో తేలింది.

సోషల్ మీడియాలో వైరల్ అయిన ఒక వీడియోలో, ఇద్దరు యువకులు రోడ్డు పక్కన మత్తులో ఊగుతూ నిలబడి ఉన్న దృశ్యాలు ఉన్నాయి. ఈ వీడియోను తన ఎక్స్ (X) ఖాతాలో పోస్ట్ చేసిన హర్భజన్ సింగ్, “పంజాబ్ పరిస్థితిని చూస్తుంటే చాలా బాధగా ఉంది. పంజాబ్ మరియు అక్కడి యువత దీనికంటే మెరుగైన భవిష్యత్తుకు అర్హులు” అని ఆవేదన వ్యక్తం చేశారు. అంతేకాకుండా, ఈ వ్యవహారాన్ని దాచిపెట్టకుండా పారదర్శకతతో, అత్యవసర చర్యలతో పరిష్కరించాలని కూడా ఆయన పేర్కొన్నారు.

హర్భజన్ సింగ్ చేసిన ఈ పోస్ట్ ఇంటర్నెట్‌లో వేగంగా వ్యాపించి తీవ్ర చర్చకు దారితీసిన నేపథ్యంలో, పంజాబ్ పోలీసులు వెంటనే జోక్యం చేసుకుని ఆ వీడియోకు సంబంధించిన నిజాలను వెల్లడించారు.

దీనిపై పంజాబ్ పోలీస్ వర్గాలు ఇచ్చిన వివరణలో, “వైరల్ అవుతున్న ఈ వీడియో పంజాబ్‌లో తీసింది కాదు; ఇది రాజస్థాన్ రాష్ట్రంలోని శ్రీ గంగానగర్ ప్రాంతంలో నమోదైంది. దీనికి పంజాబ్ పోలీసులకు ఎలాంటి సంబంధం లేదు” అని స్పష్టం చేశారు.

అంతేకాకుండా, వీడియోలో పంజాబీ భాష వినిపిస్తున్నంత మాత్రాన ఏదైనా ఘటనా పంజాబ్‌లోనే జరిగిందని ఊహించకూడదని ప్రజలను, సోషల్ మీడియా వినియోగదారులను కోరారు. ఇలాంటి తప్పుడు, ధృవీకరించని సమాచారాన్ని షేర్ చేసే ముందు దాని నిజమైన ప్రాంతాన్ని, వాస్తవాలను తనిఖీ చేయాలని, బాధ్యతాయుతంగా వ్యవహరించాలని పోస్ట్ చేసినవారిని పోలీసులు హెచ్చరించారు.