గుజరాత్లోని రాజ్కోట్లో సోషల్ మీడియా ఇన్ఫ్లుయెన్సర్గా గుర్తింపు తెచ్చుకున్న ధ్రువిల్ పటేల్ (33) అనే యువకుడు, కుటుంబ కలహాల కారణంగా కన్నతండ్రి చేతిలోనే దారుణ హత్యకు గురైన ఘటన తీవ్ర దిగ్భ్రాంతిని కలిగించింది.
ధ్రువిల్ పటేల్ ఇన్స్టాగ్రామ్లో చాలా యాక్టివ్గా ఉంటూ రీల్స్, పోస్టుల ద్వారా దాదాపు 54 వేల మంది ఫాలోవర్లను సంపాదించుకుని నెట్టింట బాగా ఫేమస్ అయ్యాడు. అయితే, ఇంట్లో తలెత్తిన తీవ్ర మనస్పర్థలు, గొడవల నేపథ్యంలో తండ్రీకొడుకుల మధ్య తీవ్ర వాగ్వాదం జరిగింది. ఈ క్రమంలో ఆగ్రహం తట్టుకోలేకపోయిన తండ్రి.. ఇంట్లోనే కొడుకు ధ్రువిల్పై విచక్షణారహితంగా దాడి చేసి హతమార్చాడు.
సమాచారం అందుకున్న పోలీసులు హుటాహుటిన ఘటనా స్థలానికి చేరుకుని మృతదేహాన్ని స్వాధీనం చేసుకుని పోస్టుమార్టానికి తరలించారు. కుమారుడిని హత్య చేసిన తండ్రిని అదుపులోకి తీసుకుని హత్యకు గల అసలు కారణాలపై లోతుగా విచారణ జరుపుతున్నారు.
సోషల్ మీడియాలో వేలాది మంది అభిమానులను సంపాదించుకున్న ఒక యువకుడు.. కుటుంబ కలహాల వల్ల సొంత ఇంట్లోనే ఇలా ప్రాణాలు కోల్పోవడం రాజ్కోట్ పరిసరాల్లో తీవ్ర విషాదాన్ని, కలకలాన్ని రేపింది.