నేటి ఆధునిక జీవనశైలిలో గంటల తరబడి కుర్చీలకే పరిమితమై పనిచేయడం వల్ల శరీర బరువు పెరగడమే కాకుండా, నడుము మరియు పొట్ట చుట్టూ కొవ్వు పేరుకుపోతోంది.
ఇది గుండె జబ్బులతో పాటు పలు రకాల ఆరోగ్య సమస్యలకు దారితీసే ప్రమాదం ఉంది. ఈ సమస్యకు పరిష్కారంగా ప్రముఖ ఫిట్నెస్ నిపుణుడు ప్రబల్ శర్మ 5 రోజుల వర్కౌట్ ప్లాన్ను సూచించారు.
- మొదటి రోజు (అప్పర్ బాడీ): ఇన్క్లైన్ డంబెల్ బెంచ్ ప్రెస్, వైడ్ గ్రిప్ కేబుల్ రోస్తో మొదలుపెట్టి మెషీన్ ఫ్లైస్, స్ట్రెయిట్ ఆర్మ్ పుల్డౌన్స్, డంబెల్ లేటరల్ రైజెస్, కేబుల్ ఫేస్ పుల్స్, చేతి కండరాల కోసం బైసెప్ కర్ల్స్ మరియు స్కల్ క్రషర్స్ చేయాలి.
- రెండవ రోజు (లోయర్ బాడీ): మెషీన్ హిప్ అబ్డక్టర్, డెడ్లిఫ్ట్స్, లెగ్ ప్రెస్, లెగ్ ఎక్స్టెన్షన్స్, హ్యామ్స్ట్రింగ్ కర్ల్స్, స్టాండింగ్ కాఫ్ రైజెస్ మరియు కేబుల్ క్రంచెస్తో ముగించాలి.
- మూడవ రోజు (పుష్ వర్కౌట్): ఛాతీ, భుజాలు, ట్రైసెప్స్ కండరాల కోసం ఇన్క్లైన్ డంబెల్ బెంచ్ ప్రెస్, పెక్ ఫ్లైస్, లేటరల్ రైజెస్, షోల్డర్ ప్రెస్ మరియు ఓవర్హెడ్ రోప్ ఎక్స్టెన్షన్స్ చేయాలి.
- నాల్గవ రోజు (పుల్ వర్కౌట్): వీపు, భుజాలు, బైసెప్స్ కోసం చెస్ట్ సపోర్టెడ్ బెంట్ ఓవర్ రో, లాట్ పుల్డౌన్స్, రివర్స్ ఫ్లైస్, ప్రీచర్ కర్ల్స్ మరియు మణికట్టు వ్యాయామాలు చేయాలి.
- ఐదవ రోజు (లెగ్స్ & కోర్): రెండవ రోజు లాగే కాళ్ల వ్యాయామాలు చేస్తూ, లెగ్ ప్రెస్కు బదులుగా స్క్వాట్స్ (Squats) సాధన చేయాలి.
ప్రతి వ్యాయామాన్ని 8 నుంచి 12 సార్లు (రెప్స్) చేయాలి. బరువును తరచూ మార్చకుండా, ఒకే బరువుతో అన్ని సెట్లలో 12 సార్లు సులభంగా చేయగలిగే స్థాయికి చేరాలి. ఆ తర్వాత మాత్రమే క్రమంగా బరువును పెంచాలని నిపుణులు సూచిస్తున్నారు. క్రమం తప్పని వ్యాయామం, పట్టుదల మాత్రమే ఆరోగ్యకరమైన, ఫిట్గా ఉండే శరీరాన్ని అందిస్తాయి.