“విడాకుల పిటిషన్‌ను హఠాత్తుగా వెనక్కి తీసుకున్న భార్య..!” రెండో పెళ్లికి ప్లాన్ చేశాడా..? నటి కోసం తిరుగుతున్న భర్తకు భార్య ఇచ్చిన దిమ్మతిరిగే ‘చెక్’..!!

బాలీవుడ్ ప్రముఖ సీనియర్ నటుడు గోవిందా తరచూ పలువురు నటీమణులతో ముడిపడి వచ్చే రూమర్లతో వార్తల్లో నిలుస్తుంటారు.

ప్రస్తుతం భార్యకు దూరంగా ఉంటున్న 62 ఏళ్ల గోవిందా, 56 ఏళ్ల నటి కోమల్ రాణితో అత్యంత సన్నిహితంగా మెలుగుతున్నట్లు సమాచారం. వీరిద్దరి బంధం బాలీవుడ్ సినీ వర్గాల్లో తీవ్ర సంచలనానికి, భిన్నమైన విమర్శలకు దారితీసింది.

ఈ క్రమంలోనే గోవిందా, నటి కోమల్ రాణి త్వరలోనే వివాహం చేసుకోబోతున్నారనే వార్తలు గుప్పుమన్నాయి. ఈ సమాచారం సినీ వర్గాలతో పాటు సోషల్ మీడియాలోనూ విపరీతంగా వ్యాపించి, అభిమానుల్లో పెద్ద ఎత్తున చర్చకు దారితీసింది.

ఈ పరిస్థితుల్లో వారి పెళ్లి ప్రయత్నాలకు అడ్డుకట్ట వేయడమే లక్ష్యంగా గోవిందా భార్య సునీతా అహుజా ఒక సంచలన నిర్ణయం తీసుకున్నారు. భర్త నిర్ణయానికి చెక్ పెట్టేందుకు ఆమె పక్కా న్యాయపరమైన వ్యూహాన్ని అమలు చేశారు.

దాదాపు రెండేళ్ల క్రితం గోవిందా నుంచి విడిపోయేందుకు కోర్టులో దాఖలు చేసిన విడాకుల పిటిషన్‌ను సునీతా అహుజా ఉన్నట్టుండి వెనక్కి తీసుకున్నారు. చట్టబద్ధంగా విడాకులు మంజూరు కాకపోతే గోవిందా రెండో పెళ్లి చేసుకోవడం సాధ్యం కాదు కాబట్టే ఆమె ఈ వ్యూహాత్మక అడుగు వేసినట్లు స్పష్టమవుతోంది.

సునీత తన విడాకుల దరఖాస్తును ఉపసంహరించుకోవడంతో, చట్టాన్ని ఉల్లంఘించి గోవిందా రెండో పెళ్లికి యత్నిస్తే తీవ్రమైన న్యాయపరమైన చిక్కులు ఎదుర్కోవాల్సి వస్తుందని న్యాయ నిపుణులు స్పష్టం చేస్తున్నారు. భార్య పెట్టిన ఈ ఊహించని ‘చెక్’తో ఇప్పుడు గోవిందా ఎలాంటి నిర్ణయం తీసుకుంటారోనన్న ఉత్కంఠ సర్వత్రా నెలకొంది.