“పెళ్లయిన ఐదేళ్లలోనే ముగ్గురు పిల్లలు.. ఒంటరిగా చూసుకోలేక, పదేపదే ఏడుస్తున్నారని తల్లికి తలకెక్కిన కోపం.. 2 ఏళ్ల కొడుకు గొంతు కోసి.. భర్త కళ్లముందే దారుణ ఘోరం..!”

హర్యానాలోని ఫరీదాబాద్‌లో మానవత్వాన్ని కలచివేసే, మాతృత్వపు ఔన్నత్యాన్ని ప్రశ్నించే అత్యంత కిరాతక ఘటన వెలుగుచూసింది.

ముగ్గురు పిల్లల తల్లి అయిన ఒక మహిళ తీవ్ర మానసిక ఒత్తిడి, విపరీతమైన ఆగ్రహంతో తన సొంత 2 ఏళ్ల పసికందుపై పదునైన పేపర్ కట్టర్‌తో దాడికి ఒడిగట్టింది. ఈ ఘోర ఘటన అనంతరం పోలీసులు ఆ తల్లిని అదుపులోకి తీసుకుని కోర్టులో హాజరుపరిచి జైలుకు తరలించారు.

వివరాల్లోకి వెళితే.. కృష్ణకుమార్ అనే వ్యక్తికి వివాహమై ఐదేళ్లు కాగా, వారికి ముగ్గురు పిల్లలు ఉన్నారు. ఆగస్టు 26 మధ్యాహ్నం భర్త, అత్త (పిల్లల నానమ్మ) పనుల నిమిత్తం బయటకు వెళ్లగా, ఆ మహిళ ముగ్గురు పిల్లలతో ఇంట్లో ఒంటరిగా ఉంది. ఆ సమయంలో పిల్లలు ఏడుస్తుండటంతో తీవ్ర మానసిక ఒత్తిడికి లోనైన ఆమె, తన రెండేళ్ల కుమారుడిపై దాడి చేసి కొట్టింది.

సాయంత్రం పని ముగించుకుని ఇంటికి వచ్చిన భర్త కృష్ణకుమార్.. భార్య పసికందును కొడుతుండటం చూసి హతాశుడై వెంటనే ఆమెను ఆపేందుకు ప్రయత్నించాడు. అయితే అప్పటికే విచక్షణ కోల్పోయిన ఆ మహిళ, భర్త కళ్లముందే ఇంట్లో ఉన్న పదునైన పేపర్ కట్టర్‌ను తీసుకుని తన 2 ఏళ్ల కొడుకు గొంతు భాగాన్ని తీవ్రంగా కోసింది. ఈ దాడితో తీవ్ర గాయాలపాలైన చిన్నారి రక్తపు మడుగులో మునిగిపోయాడు.

రక్తపు మడుగులో విలవిల్లాడుతున్న బిడ్డను చూసి తల్లడిల్లిపోయిన తండ్రి కృష్ణకుమార్, వెంటనే స్థానిక ఆసుపత్రికి తీసుకెళ్లి అత్యవసర చికిత్స విభాగం (ICU)లో చేర్పించారు. ప్రస్తుతం చిన్నారికి అక్కడ ఐసీయూలో చికిత్స కొనసాగుతోంది. సమాచారం అందుకుని ఘటనా స్థలానికి చేరుకున్న పోలీసులు దాడికి పాల్పడిన తల్లిని రెడ్ హ్యాండెడ్‌గా పట్టుకుని అరెస్ట్ చేశారు.

ఈ ఘటనపై పోలీసు ఉన్నతాధికారి మాట్లాడుతూ.. “మానసిక అనారోగ్యం, ఒంటరిగానే ముగ్గురు పిల్లల బాధ్యతలను మోయడం వల్ల కలిగిన తీవ్ర మానసిక ఒత్తిడి, నిరాశే ఈ దుర్ఘటనకు దారితీసినట్లు ప్రాథమిక విచారణలో తేలింది. అరెస్టయిన మహిళను కోర్టులో ప్రవేశపెట్టి న్యాయమూర్తి ఆదేశాల మేరకు జైలుకు పంపాం; కేసుపై తదుపరి దర్యాప్తు కొనసాగుతోంది” అని వెల్లడించారు.