“లైంగిక సామర్థ్యాన్ని పెంచే మాత్రలు..” పుట్టినరోజు నాడు ప్రియురాలిని హోటల్‌కు తీసుకెళ్లి చంపిన యువకుడు.. గుండెల్ని పిండేసే దారుణ ఘటన.!!

ఉత్తరప్రదేశ్‌లోని ఫిరోజాబాద్ ప్రాంతంలో నితిన్ యాదవ్ అనే యువకుడు తన పుట్టినరోజు వేడుకల నెపంతో ప్రియురాలిని స్థానిక హోటల్‌కు తీసుకెళ్లాడు.

అక్కడ లైంగిక సామర్థ్యాన్ని పెంచే మాత్రలను మోతాదుకు మించి మింగిన నితిన్, ప్రియురాలి ఇష్టానికి విరుద్ధంగా ఆమెపై లైంగిక దాడికి యత్నించాడు. అందుకు ఆ యువతి తీవ్ర అభ్యంతరం వ్యక్తం చేస్తూ ప్రతిఘటించింది.

దీంతో ఇద్దరి మధ్య తీవ్ర వాగ్వాదం చెలరేగింది. తీవ్ర ఆగ్రహానికి గురైన నితిన్, ఆ యువతి తలను బలంగా గోడకేసి బాదాడు. ఈ దాడిలో తీవ్ర రక్తస్రావం కావడంతో నర్సింగ్ విద్యార్థిని అయిన ఆ యువతి ఘటనా స్థలంలోనే ప్రాణాలు విడిచింది.

ఘటన అనంతరం అక్కడి నుంచి పరారైన నిందితుడు నితిన్ యాదవ్‌ను ఉత్తరప్రదేశ్ పోలీసులు గాలింపు చేపట్టి అరెస్ట్ చేసి జైలుకు తరలించారు. “ఏ బంధంలోనైనా ఇరువైపులా సమ్మతి అనేది అత్యంత ముఖ్యం.. ఎదుటివారికి ఇష్టం లేనప్పుడు దాన్ని గౌరవించడమే మానవత్వం” అంటూ ఈ అమానుష ఘటనపై సోషల్ మీడియా వేదికగా నెటిజన్లు తీవ్ర ఆగ్రహం వ్యక్తం చేస్తున్నారు.