ఉత్తరప్రదేశ్ రాష్ట్రం లక్నో నగరంలో జరిగిన ఒక అనుమానాస్పద ఘటన ఆ ప్రాంతంలో తీవ్ర సంచలనం సృష్టించింది.
‘హోటల్ వీనస్’ అనే లాడ్జికి చెందిన 31 ఏళ్ల జనరల్ మేనేజర్ రాంబలి అనుమానాస్పద రీతిలో రోడ్డు పక్కన శవమై కనిపించారు.
లక్నో ఆషియానా ప్రాంతంలోని ప్రసిద్ధ ‘హోటల్ వీనస్’లో జనరల్ మేనేజర్గా పనిచేస్తున్న రాంబలి (31) స్వస్థలం రాజస్థాన్ రాష్ట్రంలోని ఉమరా గ్రామం. హోటల్ సమీపంలోని స్టాఫ్ క్వార్టర్స్లో నివసించే ఆయన, గత సోమవారం ఉదయం పవర్ హౌస్ చౌక్ ప్రాంతంలోని జ్యూస్ షాపు దగ్గర అపస్మారక స్థితిలో పడి ఉన్నారు. ఆయన సెల్ఫోన్, బ్యాగ్లో ఉన్న డబ్బు మాయమవ్వడమే కాకుండా, ఆయన ఒంటిపై పలుచోట్ల గాయాలు, రాపిడి గాయాలు కనిపించాయి.
మృతిచెందిన రాంబలి సోదరుడు మోహన్ సింగ్ మాట్లాడుతూ, “ఆదివారం అర్ధరాత్రి 3 గంటల ప్రాంతంలో తన పని ముగించుకుని బైక్పై గదికి బయలుదేరాడు. కానీ ఆయన తన గదికి చేరుకోలేదు. ఉదయం 8 గంటల ప్రాంతంలో ఆ దారిలో వెళ్లేవారు ఆయన రోడ్డు పక్కన పడి ఉండటాన్ని చూసి పోలీసులకు సమాచారం అందించారు” అని తెలిపారు.
సమాచారం అందుకున్న పోలీసులు వెంటనే సంఘటనా స్థలానికి చేరుకుని రాంబలిని రక్షించి సమీపంలోని ఆసుపత్రికి తరలించారు. అయితే, అప్పటికే ఆయన మృతి చెందినట్లు వైద్యులు ధ్రవీకరించారు. ఆసుపత్రికి ఆలస్యంగా తరలించడమే ఆయన మరణానికి కారణమని కుటుంబ సభ్యులు కన్నీటి పర్యూతంగా ఆరోపిస్తున్నారు.
ఈ ఘటనను కేవలం ప్రమాణంగా నమ్మడానికి నిరాకరిస్తున్న బంధువులు, ఇది ముందస్తు ప్రణాళికతో జరిగిన హత్య మరియు దోపిడీ కావచ్చని ఆందోళన చెందుతున్నారు. రాంబలి శరీరం నిండా తీవ్రమైన గాయాలు ఉండటంతో పాటు, ఆయన ఖరీదైన సెల్ఫోన్, మనీ పర్స్ మాయమవ్వడంతో.. ఎవరో దుండగులు దోపిడీ చేసే ఉద్దేశంతో ఆయనపై దాడి చేసి ఉండవచ్చని లేదా వాహనం ఢీకొట్టి పరారై ఉండవచ్చని అనుమానిస్తున్నారు.
పోలీసులు మృతదేహాన్ని స్వాధీనం చేసుకుని పోస్టుమార్టం నిమిత్తం తరలించగా, పోస్టుమార్టం నివేదిక వస్తేనే మరణానికి అసలు కారణం తెలుస్తుందని తెలిపారు. అలాగే సీసీటీవీ పుటేజీలను క్షుణ్ణంగా పరిశీలించి, అర్ధరాత్రి 3 గంటల నుండి ఉదయం 8 గంటల మధ్య జరిగిన పరిణామాలను గుర్తించే పనిలో ప్రత్యేక పోలీసు బృందాలు నిమగ్నమయ్యాయి. మృతిచెందిన రాంబలికి భార్య, ఒక కుమారుడు, ఒక కుమార్తె ఉన్నారు.
Leave a Reply