మధ్య థాయ్‌లాండ్‌లోని అయోధ్య (అయుత్తాయ) ప్రాంతంలో గల చారిత్రక బౌద్ధ విహారం ‘వాట్ పుథైసవాన్’ ప్రధాన సన్యాసిగా ఫ్రా వజిరాయన్ (66) వ్యవహరించేవారు.
ఆధ్యాత్మిక రక్షరేకులు (తాయెత్తులు) తయారు చేయడంలో ఈయన విశేష ఖ్యాతి గడించారు. ఇదిలా ఉండగా, మఠానికి చెందిన సుమారు 100 మిలియన్ థాయ్ బాట్ (కరెన్సీ) నిధులను ఆయన నిధుల మళ్లింపు/గోల్‌మాల్ చేసినట్లు తీవ్ర ఆరోపణలు వెల్లువెత్తాయి.
దీంతో రంగంలోకి దిగిన సెంట్రల్ ఇన్వెస్టిగేషన్ బ్యూరో పోలీసులు జరిపిన ఆకస్మిక దాడుల్లో, సదరు సన్యాసి గదిలో అమర్చిన సీసీటీవీ ఫుటేజీలు స్వాధీనం చేసుకున్నారు. అందులో, డైనింగ్ టేబుల్‌పై తన 47 ఏళ్ల మహిళా సహాయకురాలు పుణ్యవీతో సన్యాసి శృంగార కార్యకలాపాల్లో మునిగితేలిన దిగ్భ్రాంతికర దృశ్యాలు రికార్డయ్యాయి. ఆలయ నిధులను దుర్వినియోగం చేస్తూ, ఆ మొత్తాన్ని మహిళా సహాయకురాలి బ్యాంక్ ఖాతాకు బదిలీ చేసి పెద్ద ఎత్తున ఆస్తులు కూడబెట్టినట్లు కూడా విచారణలో తేలింది.
సన్యాసి నిర్వాకాలను సహించలేని ఆయన సొంత శిష్యులే ఈ వివాదాస్పద వీడియోలను పోలీసులకు అప్పగించారు. మహిళా సహాయకురాలి ఇంట్లో నిర్వహించిన సోదాల్లో కిలోల కొద్దీ బంగారు రక్షరేకులు, బంగారు బిస్కెట్లు, కోట్లాది రూపాయల నగదును అధికారులు స్వాధీనం చేసుకున్నారు. అనంతరం సన్యాసి వస్త్రాలను తొలగించి (దీక్షను రద్దు చేసి) ఆ దొంగ బాబాతో పాటు అతని మహిళా సహాయకురాలిని పోలీసులు అరెస్ట్ చేశారు.