హిమాచల్ ప్రదేశ్ రాష్ట్రంలో 15 ఏళ్ల బాలిక, 18 ఏళ్ల యువకుడు మత్తు పదార్థాల బారిన పడిన క్రమంలో చోటుచేసుకున్న ఓ దారుణ ఘటన స్థానికంగా తీవ్ర కలకలం రేపింది.
బాలిక, యువకుడు ఇద్దరూ మత్తు పదార్థాలు సేవించి స్పృహలో లేని సమయంలో వారి మధ్య సాన్నిహిత్యం పెరిగింది.
ఆ మత్తు మాయను ఆసరాగా చేసుకున్న యువకుడు, భవనం మెట్లపైనే బాలికపై అఘాయిత్యానికి ఒడిగట్టాడు. మత్తు దిగిన తర్వాత తనకు జరిగిన ఘోరాన్ని గ్రహించిన ఆ బాలిక, కన్నీరుమున్నీరవుతూ తల్లిదండ్రులకు విషయం చెప్పింది.
తీవ్ర దిగ్భ్రాంతికి గురైన బాలిక తల్లిదండ్రులు వెంటనే స్థానిక పోలీస్ స్టేషన్‌కు వెళ్లి ఆ 18 ఏళ్ల యువకుడిపై ఫిర్యాదు చేశారు. వారి ఫిర్యాదు మేరకు పోలీసులు పోక్సో (POCSO) సహా పలు కఠిన సెక్షన్ల కింద కేసు నమోదు చేసి, నిందితుడిని అరెస్ట్ చేసి విచారణ ప్రారంభించారు.
నేటి యువతలో వేగంగా విస్తరిస్తున్న మాదకద్రవ్యాల వ్యసనం వారి భవిష్యత్తును ఎంతగా నాశనం చేస్తుందో, ఒక్క క్షణంలో వారి జీవితాలను ఎలా చీకట్లోకి నెట్టివేస్తుందో చెప్పడానికి ఈ ఘటనే ఒక చేదు నిదర్శనం.
యువత, ముఖ్యంగా మైనర్లలో డ్రగ్స్ వాడకాన్ని అరికట్టేందుకు కఠిన చర్యలు తీసుకోవాలని, తల్లిదండ్రులు తమ పిల్లల నడవడికపై ఎప్పటికప్పుడు నిఘా ఉంచడం ఎంతో అవసరమని సామాజిక కార్యకర్తలు ఆందోళన వ్యక్తం చేస్తున్నారు.