ఒక్క వైరల్ AI ఫోటో.. అమెరికాను వణికించింది..! పాఠశాలల లాక్‌డౌన్, భారీగా పోలీసుల మోహరింపు.. “సరదాగా చేస్తే” పరిణామాలు ఇలాగే ఉంటాయా..? ‘Cat in the Hat’ ట్రెండ్ వెనుక భయానక నేపథ్యం!

అమెరికాలో సోషల్ మీడియా వేదికగా వైరల్ అవుతున్న “Cat in the Hat” ట్రెండ్ ప్రస్తుతం తీవ్ర కలకలం రేపుతోంది.

ప్రముఖ కల్పిత పాత్ర ఆధారంగా ఆర్టిఫిషియల్ ఇంటెలిజెన్స్ (AI)తో రూపొందించిన భయానక చిత్రాలు సోషల్ మీడియాలో వైరల్ కావడంతో, పలు ప్రాంతాల్లోని పాఠశాలలను లాక్‌డౌన్ చేయడమే కాకుండా పోలీసులు రంగంలోకి దిగాల్సి వచ్చింది.

ఈ వైరల్ పోస్టుల్లో ఉపయోగించిన చిత్రాలను కృత్రిమ మేధస్సు (AI) ద్వారా రూపొందించినట్లు చెబుతున్నారు. వాటితో పాటు పాఠశాలలు లేదా విద్యార్థులను లక్ష్యంగా చేసుకుని చేసిన బెదిరింపులు కూడా ఉండటంతో, అధికారులు వీటిని సాధారణ సోషల్ మీడియా పోస్టులుగా కొట్టిపారేయలేదు. దీంతో పలు పాఠశాలల్లో ముందస్తు భద్రతా చర్యలు చేపట్టారు.

మరోవైపు, ఇంటర్నెట్‌లో ఇలాంటి బెదిరింపులకు పాల్పడినందుకు గాను పలువురు విద్యార్థులను పోలీసులు అదుపులోకి తీసుకున్నారు. సోషల్ మీడియాలో ఇలాంటి పోస్టులను కేవలం సరదా కోసమో లేదా ప్రాంక్ (Prank) కోసమో పెట్టినప్పటికీ, వాటిని తీవ్రమైన ముప్పుగా పరిగణించి చట్టపరమైన చర్యలు తీసుకుంటామని అధికారులు హెచ్చరించారు.

ఒక సాధారణ వైరల్ పోస్ట్‌గా మొదలైన వ్యవహారం పాఠశాలలు, తల్లిదండ్రులు, విద్యార్థులు మరియు పోలీసులలో తీవ్ర ఆందోళనకు దారితీసింది. కాబట్టి సోషల్ మీడియాలో ఏదైనా పోస్ట్ చేసే ముందు దాని పర్యవసానాల గురించి ఆలోచించాలని, ముఖ్యంగా బెదిరింపులకు సంబంధించిన విషయాలను సరదాగా తీసుకోకూడదని అధికారులు స్పష్టం చేశారు.