“ఫుడ్ డెలివరీ చేస్తున్నారా? మీకు ఈ ప్రమాదం ఉంది జాగ్రత్త!”.. డెలివరీ ఏజెంట్ల ఆరోగ్య సమస్యలు.. షాకిచ్చే వైద్య నిజాలు..!!!

రోజంతా ద్విచక్ర వాహనంపై ప్రయాణిస్తూ ఆహారాన్ని డెలివరీ చేసే పనిలో ఉన్న చాలామంది తరచూ మూత్రనాళ ఇన్ఫెక్షన్ (UTI) సమస్యతో బాధపడుతుంటారు.

సకాలంలో మూత్ర విసర్జన చేయడానికి సరైన వసతి లభించకపోవడంతో, చాలామంది దానిని సుదీర్ఘ సమయం ఆపుకోవాల్సి వస్తోంది. అంతేకాకుండా, నిరంతరం ఎండలో, చలిలో బండిపై తిరగడం వల్ల శరీరంలో డీహైడ్రేషన్ (నీటిశాతం తగ్గడం), చెమట పటడం వంటి కారణాల వల్ల బ్యాక్టీరియా వేగంగా పెరగడానికి అనుకూల వాతావరణం ఏర్పడుతుందని వైద్యులు హెచ్చరిస్తున్నారు.

కేవలం పబ్లిక్ టాయిలెట్లను ఉపయోగించడం వల్లే ఇలాంటి ఇన్ఫెక్షన్లు వస్తాయని చాలామంది పొరపాటుగా భావిస్తుంటారు. పురుషుల శరీర నిర్మాణంలో మూత్రనాళం పొడవుగా ఉండటం వల్ల, టాయిలెట్ సీట్లకు అవయవాలు నేరుగా తగలవు కాబట్టి క్రిములు పైకి వెళ్లే అవకాశం చాలా తక్కువ అని ఆండ్రాలజిస్ట్ డాక్టర్ విల్వపతి ఎస్. కార్తికేయన్ స్పష్టం చేస్తున్నారు. అయినప్పటికీ, ఎక్కువ సమయం బిగుతుగా ఉండే దుస్తులు ధరించడం, తగినంత నీరు తాగకపోవడం వంటి కారణాల వల్లే మెజారిటీ ప్రజలకు ఈ ఇన్ఫెక్షన్ వస్తోంది.

ఈ ఇన్ఫెక్షన్ల నుండి పూర్తి రక్షణ పొందడానికి, బైక్‌పై వెళ్లేవారు ఎల్లప్పుడూ తమ వద్ద నీళ్ల సీసాని ఉంచుకోవాలి, మూత్ర విసర్జన అనిపించినప్పుడల్లా వెంటనే దానికి తగిన స్థలాన్ని ఉపయోగించుకోవాలి. అంతేకాకుండా, కాటన్‌తో చేసిన వదులైన దుస్తులను ధరించడంతో పాటు, చిన్నపాటి మంట అనిపించినా సొంతంగా యాంటీబయాటిక్స్ వాడకుండా వైద్యుల సలహా తీసుకోవడం శ్రేయస్కరం.