“20 రోజుల్లో 6 సార్లు కాటేసినా ప్రాణాలతో బయటపడిన అద్భుతం..!” మేనత్త ఇంటికి వెళ్లినా వదల్లేదుగా.. యువకుడిని వెతికి మరీ కాటేసిన నాగుపాము.. వైద్య లోకాన్ని విస్మయానికి గురిచేస్తున్న మిస్టరీ నేపథ్యం..!!

ఉత్తరప్రదేశ్ రాష్ట్రంలోని ఓ గ్రామానికి చెందిన 21 ఏళ్ల యువకుడిని గత 20 రోజుల్లో ఏకంగా 6 సార్లు పాము కాటేసిన విచిత్ర సంఘటన స్థానికులను తీవ్ర భయాందోళనలకు గురిచేసింది.

ఆ యువకుడు భయంతో వేసిన కేకలు విని పరుగెత్తుకుంటూ వచ్చిన కుటుంబ సభ్యులు, అతడి పరిస్థితి చూసి తీవ్ర దిగ్భ్రాంతికి గురయ్యారు.

జస్వంత్ నగర్ ప్రాంతానికి చెందిన అంకుష్ యాదవ్ అనే ఆ యువకుడు, సోమవారం సాయంత్రం తన ఇంట్లోని మరుగుదొడ్డికి వెళ్లినప్పుడు అక్కడున్న పాము అతడిని ఆరోసారి కాటేసింది. వెంటనే అతడిని జిల్లా ప్రభుత్వ ఆసుపత్రికి తరలించి చికిత్స అందిస్తున్నారు.

ఇందులో ఆశ్చర్యకరమైన విషయం ఏమిటంటే, ఆ యువకుడు తన సొంతూరు విడిచి మెయిన్‌పురిలోని తన మేనత్త ఇంటికి వెళ్లినప్పటికీ, అక్కడికి కూడా వెళ్లి మరీ పాము కాటేసింది. అతను ఎక్కడికి వెళితే అక్కడికి వెళ్లి ఆ పాము కాటేస్తుండటం కుటుంబ సభ్యులతో పాటు వైద్యులను కూడా తీవ్ర విస్మయానికి గురిచేసింది.

అయితే, కుటుంబ సభ్యులు మూఢనమ్మకాలను నమ్మి సమయం వృధా చేయకుండా, పాము కాటేసిన ప్రతిసారీ వెంటనే అతడిని ఆసుపత్రికి తీసుకెళ్లి చికిత్స అందించారు. వైద్యుల తీవ్ర కృషితో, 6 సార్లు పాము కాటేసినప్పటికీ అదృష్టవశాత్తూ ఆ యువకుడి ప్రాణాలు దక్కాయి.

ఇంట్లో, చుట్టుపక్కల ప్రాంతాల్లో పలుమార్లు ఆ పాము కనిపించినప్పటికీ, అది ఇంకా పట్టుబడకుండా తప్పించుకు తిరుగుతోంది. ఒకే యువకుడిని లక్ష్యంగా చేసుకుని పాము వెంటాడి మరీ కాటేస్తున్న ఈ ఘటనపై వైద్య నిపుణులు, స్నేక్ క్యాచర్స్ తీవ్రంగా అధ్యయనం చేయాలని స్థానికులు కోరుతున్నారు.