“స్నేహితులతో ఆడుకుంటున్న 11 ఏళ్ల చిన్నారికి మరుక్షణమే ఇలాంటి విషాదమా..?! బురదలో ఆడుకుంటుండగా దాగి ఉన్న ఆ ప్రమాదం.. పాప ప్రాణాలనే తీసిన ఘోరం..!!!”

ఇంగ్లాండ్‌లో ఆడుకోవడానికి వెళ్లిన 11 ఏళ్ల చిన్నారి అనుకోకుండా మృతి చెందిన ఘటన తీవ్ర విషాదాన్ని నింపింది.

న్యూటన్ అబాట్ ప్రాంతానికి చెందిన లిల్లీ ఏంజెల్ రోడ్జర్స్ అనే చిన్నారి, తన ఇద్దరు స్నేహితులతో కలిసి కార్న్‌వాల్ ప్రాంతంలోని ‘వేకర్ క్వే’ అనే ప్రదేశానికి వెళ్లింది. అక్కడ నదీ తీరంలో ఉన్న బురద ప్రాంతంలో ఆ పిల్లలు ఆడుకుంటున్నారు. ఆ సమయంలో బురద బాటలో పాకుతూ వెళ్లి, ఒక వాలు భాగం నుండి కిందకు దిగుతున్నప్పుడు ఈ విపరీతమైన ప్రమాదం జరిగింది.

బురదలో దాగి ఉన్న పదునైన చెట్టు కొమ్మ చిన్నారి శరీరంలోకి గుచ్చుకోవడంతో ఆమె తీవ్రంగా గాయపడింది. సమీపంలో ఉన్న పెద్దలు వెంటనే అత్యవసర సహాయాన్ని (ఎమర్జెన్సీ సేవలని) పిలిచారు. అయితే ఆ ప్రాంతం సముద్ర అలలతో చుట్టుముట్టబడిన బురద నేల కావడం వల్ల, సహాయక చర్యలకు తీవ్ర విఘాతం కలిగింది. దాదాపు 40 నిమిషాల తర్వాత కోస్ట్ గార్డ్ హెలికాప్టర్ ద్వారా చిన్నారిని సురక్షితమైన నేల భాగానికి తీసుకెళ్లారు.

అనంతరం అంబులెన్స్ ద్వారా ఆ పాపను డెరిఫోర్డ్ ఆసుపత్రికి తరలించారు. అయితే వైద్యులు చేసిన చికిత్సా ప్రయత్నాలు ఫలించక ఆమె ప్రాణాలు కోల్పోయింది. పోస్ట్‌మార్టంలో, ఛాతీ భాగంలో ఏర్పడిన గాయం కారణంగా ప్రధాన రక్తనాళం దెబ్బతిన్నట్లు తేలింది. ఈ గాయం అత్యంత తీవ్రమైనదని, సంఘటన జరిగిన విధానాన్ని బట్టి చూస్తే చిన్నారి ప్రాణాలను కాపాడటం చాలా కష్టమైందని వైద్యులు వెల్లడించారు.

ఈ ఘటనపై విచారణ జరిపిన సీనియర్ కోర్టు అధికారి (కరోనర్), చిన్నారి మృతి ప్రమాదవశాత్తూ జరిగిందేనని తెలిపారు. ఘటనలో అనుమానాస్పద పరిస్థితులేవీ లేవని, అక్కడ ఉన్న పెద్దలు పిల్లలను పర్యవేక్షిస్తూనే ఉన్నారని పేర్కొన్నారు. ఆ ప్రాంతంలో గత 40 ఏళ్లకు పైగా ఇలాంటి సంఘటన ఏదీ జరగలేదని కూడా వెల్లడించారు. ప్రస్తుతం అనూహ్య ప్రమాదాల గురించి హెచ్చరించేలా అక్కడ అదనపు సూచిక బోర్డులను ఏర్పాటు చేశారు.