“నేను చేసింది తప్పే.. అలా జరిగి ఉండకూడాల్సింది!” అని విచారం..! గుడిలో జరిగిన ఆ ఒక్క ఘటన.. ఇప్పుడు ఇలాంటి మలుపా..?! వీడియో విడుదల చేసి మహిళా పోలీస్ అధికారికి క్షమాపణలు చెప్పిన ఎమ్మెల్యే కుమార్తె..!!!

కర్ణాటక రాష్ట్రం మాండ్య జిల్లాలోని ఒక దేవాలయంలో గత ఆగస్టు 12న జరిగిన గొడవకు సంబంధించి, బీజేపీ ఎమ్మెల్యే సురేష్ గౌడ కుమార్తె ఐశ్వర్య గౌడ.. సబ్ ఇన్‌స్పెక్టర్ సవితా పాటిల్‌కు క్షమాపణలు చెప్పారు.

ఈ వ్యవహారంపై ఆమె ఒక వీడియోను విడుదల చేస్తూ తన వైపు వివరణ ఇచ్చారు. గుడిలో భక్తుల రద్దీ ఎక్కువగా ఉన్న సమయంలో, తన ఇద్దరు పిల్లలతో కలిసి దైవదర్శనం కోసం వెళ్లినట్లు ఆమె తెలిపారు.

రద్దీ ఎక్కువగా ఉండటంతో త్వరగా దర్శనం చేసుకోవాలని భావించానని, ఆ సమయంలో భద్రతా విధుల్లో ఉన్న సబ్ ఇన్‌స్పెక్టర్ సవితా పాటిల్‌తో వాగ్వాదం జరిగినట్లు ఐశ్వర్య చెప్పారు. ఆ సమయంలో జరిగిన ఘర్షణ జరిగి ఉండకూడదని ఆమె పేర్కొన్నారు. ఈ ఘటనలో సవితా పాటిల్ గాయపడి ఉంటే, దానికి బేషరతుగా క్షమాపణలు కోరుతున్నానని ఐశ్వర్య తన వీడియోలో తెలిపారు.

మరోవైపు, సవితా పాటిల్ ఇచ్చిన ఫిర్యాదు ప్రకారం… ఆలయ గర్భగుడిలోకి క్యూ లైన్లో నిలబడకుండా నేరుగా వెళ్లేందుకు ఐశ్వర్య యత్నించారని, రద్దీ ఎక్కువగా ఉన్నందున వేచి ఉండాలని తాను చెప్పినట్లు పేర్కొన్నారు. దీంతో ఇద్దరి మధ్య వాగ్వాదం జరిగిందని ఫిర్యాదులో తెలిపారు. అదే సమయంలో, సదరు పోలీసు అధికారి తనను అవమానించారంటూ ఐశ్వర్య కూడా ఎదురు ఫిర్యాదు (కౌంటర్ కంప్లైంట్) చేశారు. ఈ ఆరోపణలపై కూడా పోలీసులు విచారణ జరుపుతున్నారు.

ఈ ఘటనకు సంబంధించి ఐశ్వర్యపై కేసు నమోదు కాగా, ఆమె దాఖలు చేసిన ముందస్తు బెయిల్ పిటిషన్‌ను కూడా ఆగస్టు 31న కోర్టు తిరస్కరించినట్లు వార్తలు వచ్చాయి. ఇదిలా ఉండగా, ఐశ్వర్య తండ్రి కూడా ఇప్పటికే తన కుమార్తె ప్రవర్తన పట్ల విచారం వ్యక్తం చేశారు. ప్రస్తుతం ఐశ్వర్య స్వయంగా ఆ మహిళా పోలీసు అధికారికి నేరుగా క్షమాపణలు చెప్పిన నేపథ్యంలో, ఆగస్టు 12న జరిగిన ఆలయ వివాదానికి సంబంధించిన చట్టపరమైన చర్యలు ప్రత్యేకంగా కొనసాగుతున్నాయి.