మహారాష్ట్రలో ఇన్‌స్టాగ్రామ్ ద్వారా పరిచయమైన వ్యక్తితో ఏర్పడిన వివాహేతర సంబంధం కారణంగా, తాను కన్న ముగ్గురు పసిపిల్లలకు స్వీట్లలో విషం కలిపి దారుణంగా హత్య చేసిన తల్లి అకృత్యం దేశవ్యాప్తంగా తీవ్ర దిగ్భ్రాంతిని, అసహ్యాన్ని కలిగించింది.
కన్నతల్లే తన సొంత బిడ్డలకు యమకింకరిగా మారిన ఈ హృదయ విదారక ఘటన.. సోషల్ మీడియా వ్యామోహం, అక్రమ సంబంధం మనుషుల మనస్సులను ఎంతటి దారుణమైన మార్గంలోకి తీసుకెళ్తాయో అనడానికి నిదర్శనంగా నిలిచింది.
పోలీసుల ప్రాథమిక విచారణలో వెలుగుచూసిన షాకింగ్ వివరాల ప్రకారం.. సదరు మహిళకు ఇన్‌స్టాగ్రామ్ ద్వారా ఒక వ్యక్తితో పరిచయం ఏర్పడి, అది క్రమంగా తీవ్రమైన వివాహేతర సంబంధంగా మారింది.
భర్తను, కుటుంబాన్ని వదిలేసి ఆ వ్యక్తితో వెళ్లిపోయి జీవించాలని నిర్ణయించుకున్న ఆ మహిళ, దానికి తన ముగ్గురు పిల్లలు అడ్డుగా, భారంగా ఉంటారని భావించింది. ఈ స్వార్థపూరిత ఆలోచనతో, పిల్లలకు ఎంతో ఇష్టమైన స్వీట్లను కొనుక్కొచ్చి, అందులో రహస్యంగా విషం కలిపి వారికి తినిపించి అత్యంత దారుణంగా హత్య చేసింది.
పిల్లలు అకస్మాత్తుగా మృతి చెందిన ఘటనపై ఇరుగుపొరుగు వారికి, పోలీసులకు అనుమానం రావడంతో.. పోలీసులు మృతదేహాలను స్వాధీనం చేసుకుని పోస్టుమార్టం నిమిత్తం తరలించారు. పోలీసుల ముమ్మర విచారణలో ఆ మహిళ, ఆమె ప్రియుడు పొంతన లేని సమాధానాలు చెప్పడంతో.. చివరికి అసలు నిజం బట్టబయలైంది.
కన్న బిడ్డలనే విషమిచ్చి చంపిన నేరానికి ఆ మహిళను, అందుకు ప్రేరేపించిన ఆమె ప్రియుడిని పోలీసులు వెంటనే అరెస్టు చేసి జైలుకు తరలించారు. ఈ దారుణ ఘటన ప్రస్తుతం ఇంటర్నెట్‌లో తీవ్ర ఆగ్రహానికి, చర్చకు దారితీసింది.
Leave a Reply