మన శరీరానికి కొవ్వు (కొలెస్ట్రాల్) చాలా అవసరమైనప్పటికీ, చెడు కొలెస్ట్రాల్ స్థాయి పెరిగినప్పుడు అది శరీరానికి ప్రమాదకరంగా మారుతుంది. ముఖ్యంగా ‘ఎల్.డి.ఎల్’ (LDL) అని పిలిచే చెడు కొలెస్ట్రాల్ స్థాయి 100 లోపు ఉండాలి. ఈ పరిమితి దాటినప్పుడు గుండెపోటు (Heart Attack), పక్షవాతం (Stroke) వంటి ప్రాణాంతక సమస్యలు తలెత్తుతాయి.
శరీరంలో చెడు కొలెస్ట్రాల్ పెరిగినప్పుడు, మన శరీర అవయవాలు కొన్ని ముఖ్యమైన లక్షణాల ద్వారా హెచ్చరించడం ప్రారంభిస్తాయి. రక్త ప్రసరణ తగ్గడం వల్ల, నడుస్తున్నప్పుడు లేదా విశ్రాంతి తీసుకుంటున్నప్పుడు కాళ్లలో తీవ్రమైన నొప్పి, కండరాలు పట్టేయడం (తిమ్మిర్లు) దీని ప్రధాన లక్షణం.
ఇక రెండోది, గుండె ధమనులలో కొవ్వు పేరుకుపోవడం వల్ల ఛాతీ భాగంలో ఏదో అడ్డుపడినట్లుగా లేదా ఒక రకమైన ఒత్తిడిగా అనిపిస్తుంది. అంతేకాకుండా మెడ, దవడ, భుజాల భాగాల్లో ఎలాంటి కారణం లేకుండా అకస్మాత్తుగా అసాధారణ నొప్పి రావచ్చు.
అదేవిధంగా, తల భారంగా ఉన్నట్లు అనిపించడం లేదా తరచూ తల తిరగడం కూడా శరీరంలో కొలెస్ట్రాల్ పెరిగిందనడానికి ముఖ్య సంకేతం. చిన్న చిన్న పనులు చేసినప్పుడో లేదా మెట్లు ఎక్కినప్పుడో సాధారణం కంటే ఎక్కువగా ఆయాసం (శ్వాస తీసుకోవడంలో ఇబ్బంది), శారీరక అలసట కలుగుతాయి.
ఇలాంటి లక్షణాలు కనిపిస్తే ఏమాత్రం నిర్లక్ష్యం చేయకుండా, వెంటనే వైద్యుడిని సంప్రదించి కొలెస్ట్రాల్ స్థాయిలను పరీక్షించుకోవడం, తగిన చికిత్స తీసుకోవడం ఎంతో అవసరం.
Leave a Reply