“నోట్‌బుక్ తీసుకురాలేదని..!” 5వ తరగతి విద్యార్థిని చితకబాదిన ఉపాధ్యాయుడు..! ఒంటిపై ఉన్న దెబ్బల తాలూకు వాతలు చూసి షాక్ తిన్న తల్లిదండ్రులు..! నోట్‌బుక్ కోసం ఇంత దారుణమా..?

రాజస్థాన్ రాష్ట్రం నాగౌర్‌లో (Nagaur) నోట్‌బుక్ తీసుకురాలేదనే కారణంతో 5వ తరగతి విద్యార్థిపై ఉపాధ్యాయుడు దాడి చేసినట్లు ఫిర్యాదు నమోదైంది.

పాఠశాల ముగిసిన తర్వాత ఇంటికి తిరిగి వచ్చిన బాలుడు, ఒళ్లంతా నొప్పులుగా ఉందని తల్లిదండ్రులకు చెప్పినట్లు సమాచారం. అనంతరం ఆ బాలుడు తన దుస్తులు విప్పినప్పుడు, ఒంటిపై ఉన్న దెబ్బల వాతలను చూసి తల్లిదండ్రులు తీవ్ర దిగ్భ్రాంతికి గురయ్యారు.

బాలుడు తల్లిదండ్రులకు చెప్పిన వివరాల ప్రకారం.. పాఠశాలకు నోట్‌బుక్ తీసుకురాలేదని ఉపాధ్యాయుడు తనను కొట్టినట్లు తెలిపాడు. దీంతో బాలుడి శరీరంపై ఉన్న గాయాలను, వాతలను చూసిన తల్లిదండ్రులు ఈ ఘటనపై పోలీసులకు ఫిర్యాదు చేశారు.

ఈ ఫిర్యాదు ఆధారంగా పోలీసులు ఆ ఉపాధ్యాయుడిపై కేసు నమోదు చేసి దర్యాప్తు ప్రారంభించారు. విద్యార్థికి తగిలిన గాయాలపై వైద్య పరీక్షలు కూడా నిర్వహించినట్లు సమాచారం. పాఠశాలలో జరిగినట్లు చెబుతున్న ఈ ఘటనపై ఉపాధ్యాయుడు, తోటి విద్యార్థుల వద్ద పోలీసులు విచారణ జరుపుతున్నారు.

కేవలం ఒక నోట్‌బుక్ తీసుకురాలేదనే కారణంతో విద్యార్థిని ఉపాధ్యాయుడు ఇంత దారుణంగా కొట్టిన ఘటన ఆ ప్రాంతంలో తీవ్ర కలకలం రేపింది. విద్యార్థి వాంగ్మూలం, తల్లిదండ్రులు ఇచ్చిన సమాచారం, మెడికల్ రిపోర్టుల ఆధారంగా పోలీసులు దర్యాప్తు చేస్తున్నారు. ఈ ఘటనకు సంబంధించిన పూర్తి వివరాలు విచారణ అనంతరం తెలియనున్నాయి.