రోజూ తెల్లవారుజామున ఇళ్లకు వార్తాపత్రికలు వేయడం.. అతడి సాధారణ పని. కానీ అదే పనిని తన అద్భుతమైన టాలెంట్‌తో చేస్తూ.. ఇప్పుడు సోషల్ మీడియాలో సెన్సేషన్‌గా మారుతున్నాడు ఓ యువకుడు.
ఇన్‌స్టాగ్రామ్‌లో ‘పేపర్ బాయ్ దీప్’ పేరుతో ఉన్న ఖాతాలో పోస్ట్ చేసిన ఓ వీడియో ప్రస్తుతం సోషల్ మీడియాలో తెగ వైరల్ అవుతోంది. అందులో ఆ యువకుడు వార్తాపత్రికలను అంత కచ్చితంగా విసురుతున్న విధానం చూసి నెటిజన్లు ఆశ్చర్యపోతున్నారు.
ఇళ్లకు ఉన్న చిన్న చిన్న తలుపు సందుల్లోకి కూడా పేపర్‌ను కచ్చితంగా విసరడం.. దూరం నుంచి ఉన్న వ్యక్తుల చేతుల్లోకి సైతం పేపర్‌ను సరిగ్గా చేరేలా వేయడం అతడి ప్రత్యేకత.
ఓ ప్రొఫెషనల్ క్రీడాకారుడిలా లక్ష్యాన్ని గురిపెట్టి.. పేపర్‌ను విసిరే అతడి స్టైల్ చూసి చాలామంది ఫిదా అవుతున్నారు. దీంతో అతడి ప్రతిభకు సోషల్ మీడియాలో ప్రత్యేకంగా అభిమానులు కూడా ఏర్పడ్డారు.
ఈ వీడియోకు భారీగా స్పందన వస్తోంది. ఇప్పటికే 23 లక్షలకు పైగా లైక్స్, 22 వేలకు పైగా కామెంట్లు వచ్చినట్లు సమాచారం.
వీడియో చూసిన నెటిజన్లు.. “ఇది AI కంటే కూడా కచ్చితంగా ఉంది”, “100 శాతం పర్ఫెక్ట్ అక్యూరసీ” అంటూ ప్రశంసలు కురిపిస్తున్నారు.
మరికొందరు అతడి పేపర్ విసిరే విధానాన్ని జపాన్‌కు చెందిన నింజా యోధుల లక్ష్య సాధన నైపుణ్యాలతో పోలుస్తున్నారు. ఇంకొందరైతే ఇలాంటి టాలెంట్‌ను ‘ఇండియాస్ గాట్ టాలెంట్’ వంటి పెద్ద వేదికపై చూడాలని కామెంట్లు చేస్తున్నారు.
సాధారణంగా కనిపించే ఓ పనిని కూడా తన ప్రత్యేకమైన ప్రతిభతో, వినూత్నంగా చేసి చూపిస్తే.. సోషల్ మీడియాలో ఎవరైనా సెన్సేషన్‌గా మారొచ్చని ఈ ‘పేపర్ బాయ్ దీప్’ వైరల్ వీడియో మరోసారి నిరూపిస్తోంది.
Leave a Reply