ఉత్తర ప్రదేశ్ రాష్ట్రంలో పనిచేస్తున్న ‘మా భగవతి జ్యువెలర్స్’ అనే ఆభరణాల షాపులో, బంగారం మరియు వెండి ఆభరణాలకు బదులుగా నకిలీ నగలను విక్రయించారని ఆరోపిస్తూ వినియోగదారులు పెద్ద సంఖ్యలో తరలివచ్చి భారీ ఆందోళన చేపట్టారు.
బంగారు నగలని నమ్మి కొనుగోలు చేసిన వాటిలో రాగి, వెండి నగలని కొన్నవాటిలో అల్యూమినియం కలసి ఉన్నాయని వినియోగదారులు ఆరోపించారు. Imran Colony కి చెందిన నయీమ్ అనే వ్యక్తి, ఆ షాపులో దాదాపు 10 నుండి 12 లక్షల రూపాయల విలువైన బంగారం మరియు వెండి ఆభరణాలను కొనుగోలు చేశాడు. ఆ తర్వాత ఆ నగల నాణ్యతను వేరే షాపులో పరీక్షించగా, బంగారు ఆభరణాలలో రాగి లోహం, వెండి ఆభరణాలలో అల్యూమినియం కలసి ఉన్నట్లు తేలింది. అదేవిధంగా, జైనాబ్ అనే మహిళా వినియోగదారు కూడా తాను కొనుగోలు చేసిన కమ్మలు బంగారానికి బదులుగా రాగితో తయారు చేసినవని తెలుసుకుని తీవ్ర దిగ్భ్రాంతికి గురైంది.
బాధిత వినియోగదారులందరూ ఆ జ్యువెలరీ షాపుకు వెళ్లి, తాము మోసపోయిన నగల స్థానంలో అసలైన బంగారం మరియు వెండి ఆభరణాలను ఇవ్వాలని డిమాండ్ చేస్తూ షాపును ముట్టడించారు. దీంతో షాపు వెలుపల తీవ్ర ఉద్రిక్తత నెలకొనడంతో పాటు వినియోగదారులకు, షాపు యజమాని వర్గానికి మధ్య తీవ్రమైన వాగ్వాదం జరిగింది.
సంఘటన సమయంలో షాపులో ఉన్న యజమాని బావమరిది మాట్లాడుతూ, ఈ ఆరోపణలన్నీ షాపు యజమానిపైనే ఉన్నాయని, అనారోగ్యం కారణంగా యజమాని ఇంట్లోనే ఉన్నారని తెలిపారు. అంతేకాకుండా, ఈ వ్యవహారంపై తగిన విచారణ జరిగిన తర్వాతే పూర్తి నిజాలు బయటకు వస్తాయని ఆయన పేర్కొన్నారు.
ఈ ఘటనపై సమాచారం అందుకున్న సివిల్ లైన్ పోలీస్ స్టేషన్ పోలీసులు వచ్చి, ఇప్పటివరకు బాధిత వినియోగదారుల నుంచి ఎలాంటి లిఖితపూర్వక ఫిర్యాదు అందలేదని తెలిపారు. ఫిర్యాదు పత్రం అందగానే నగల నాణ్యతను పరీక్షించి, ఆరోపణల నిజా నిజాలపై చట్టప్రకారం కఠిన చర్యలు తీసుకుంటామని పోలీసులు హామీ ఇచ్చారు.
Leave a Reply