టర్కీలోని అమాస్యా ప్రాంతంలోని ఓ పాఠశాల క్రీడా మైదానంలో విద్యార్థులు ఎప్పటిలాగే ఉత్సాహంగా ఫుట్‌బాల్ ఆడుకుంటున్నారు.
అయితే ఇంతలో ఊహించని ఘటన జరిగింది. వేగంగా దూసుకొచ్చిన ఫుట్‌బాల్ అక్కడే ఉన్న ఓ చిన్నారి కడుపుకు బలంగా తగిలింది.
బంతి బలంగా తగలడంతో తీవ్ర నొప్పికి గురైన చిన్నారి వెంటనే తన కడుపును పట్టుకుని మైదానంలోనే కుప్పకూలిపోయాడు.
ఈ ఘటనను గమనించిన వెంటనే అక్కడే ఉన్న పాఠశాల హెడ్‌మాస్టర్ ఏమాత్రం ఆలస్యం చేయకుండా చిన్నారి వద్దకు పరుగెత్తుకొచ్చారు. వెంటనే చిన్నారిని పైకి లేపి, అవసరమైన ప్రాథమిక చికిత్స అందించి పరిస్థితిని అదుపులోకి తీసుకొచ్చారు.
ప్రమాదాన్ని గమనించిన వెంటనే స్పందించి చిన్నారికి సహాయం చేసిన హెడ్‌మాస్టర్ తీరును అక్కడున్నవారు ప్రశంసించారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.
సరదాగా ఆడుతున్న ఆట ఒక్కసారిగా ప్రమాదంగా మారడంతో.. ఈ ఘటనను చూసిన నెటిజన్లు కూడా ఆందోళన వ్యక్తం చేస్తున్నారు.