మాజీ భార్యకు తానే ముందుండి పెళ్లి జరిపించిన ‘స్పైడర్‌మ్యాన్ హీరో’.. హాలీవుడ్‌ను ఊపేసిన ఊహించని మలుపు!

హాలీవుడ్ చిత్రసీమలో ‘స్పైడర్‌మ్యాన్’ సినిమాల ద్వారా ప్రపంచవ్యాప్తంగా కోట్ల మంది అభిమానులను సంపాదించుకున్న ప్రముఖ నటుడు టోబీ మాగ్వైర్ చేసిన ఒక విచిత్రమైన పని ప్రస్తుతం నెటిజన్లను తీవ్ర ఆశ్చర్యానికి గురిచేస్తోంది. తన మాజీ భార్య జెన్నిఫర్ మేయర్‌కు, పారిశ్రామికవేత్త మరియు కోటీశ్వరుడైన జెఫ్రీకి మధ్య జరిగిన వివాహాన్ని నటుడు టోబీ మాగ్వైర్ తానే ముందుండి జరిపించాడు.

టోబీ మాగ్వైర్ మరియు జెన్నిఫర్ మేయర్ ఇద్దరూ దాదాపు 10 ఏళ్ల క్రితమే విడివిడిగా జీవిస్తున్నప్పటికీ, గత నెట్లోనే అధికారికంగా కోర్టు ద్వారా విడాకులు తీసుకున్నారు. వీరి విడాకులు జరిగి నెల రోజులు మాత్రమే పూర్తయిన నేపథ్యంలో, జెన్నిఫర్ మేయర్ వ్యాపారవేత్త జెఫ్రీని వివాహం చేసుకుంది. అంతేకాకుండా, ఈ పెళ్లికి ముందే అంటే దాదాపు 5 నెలల క్రితమే జెన్నిఫర్ – జెఫ్రీ దంపతులకు ఒక ఆడపిల్ల జన్మించడం గమనార్హం.

సాధారణంగా విడాకులు తీసుకున్న దంపతులు శత్రువులుగా మారే వాతావరణం ఉన్నప్పటికీ, తన మాజీ భార్య రెండో పెళ్లిని విశాల హృదయంతో ముందుండి జరిపించి శుభాకాంక్షలు తెలిపాడు టోబీ మాగ్వైర్. ‘హ్యాపీగా ఉండు’ అనే రీతిలో ఆయన ఈ పెళ్లి జరిపించిన ఫోటోలు, సమాచారం ప్రస్తుతం సోషల్ మీడియాలో దావానలంలా వ్యాపించి విపరీతంగా వైరల్ అవుతున్నాయి.