“కిమ్ జాంగ్ ఉన్ మరణించారంటూ వైరల్ అయిన పుకార్లు”.. కూతురితో కలిసి ఎగ్జిబిషన్‌లో పాల్గొంటూ సంచలన ఫోటోలు విడుదల చేసిన ఉత్తర కొరియా అధినేత..!!

ఉత్తర కొరియా అధ్యక్షుడు కిమ్ జాంగ్ ఉన్‌ మెదడులో రక్తస్రావం (బ్రెయిన్ హెమరేజ్) జరిగి ఆయన కన్నుమూశారంటూ సోషల్ మీడియాలో, అంతర్జాతీయ మీడియా వర్గాల్లో జోరుగా చక్కర్లు కొట్టిన పుకార్లకు గట్టి చెక్ పడింది.

రాజధాని ప్యాంగ్యాంగ్‌లో నిర్వహించిన 2026 జాతీయ వస్త్ర, పాదరక్షల ప్రదర్శన (National Apparel and Footwear Exhibition)కు స్వయంగా విచ్చేసిన కిమ్ జాంగ్ ఉన్, తన కుమార్తెతో కలిసి ఆ వేడుకలో పాల్గొన్న సరికొత్త ఫోటోలను ఆ దేశ అధికారిక మీడియా సంస్థలు విడుదల చేశాయి.

అనారోగ్య సమస్యలు, తీవ్రమైన శారీరక రుగ్మతల కారణంగా ఆయన చనిపోయారంటూ ఎప్పటికప్పుడు తెరపైకి వచ్చే అవాస్తవ ప్రచారాలను పటాపంచలు చేస్తూ.. ఈ కార్యక్రమంలో ఆయన ఎంతో చురుకుగా, పూర్తి ఆరోగ్యంతో కనిపించారు. ఎగ్జిబిషన్‌లో ప్రదర్శించిన వినూత్న శైలి వస్త్రాలు, బూట్ల డిజైన్లను పరిశీలించిన ఆయన, అక్కడి ఉన్నతాధికారులకు పలు కీలక సూచనలు, మార్గదర్శకాలను అందించారు.

ఈ కార్యక్రమంలో ఆయన కుమార్తె సైతం పాల్గొనగా.. అక్కడ గుమిగూడిన ప్రజలు, ఉన్నతాధికారుల మధ్య కిమ్ జాంగ్ ఉన్ ఎంతో సరదాగా నవ్వుతూ ముచ్చటిస్తున్న దృశ్యాలు ప్రస్తుతం అంతర్జాతీయంగా వైరల్ అవుతున్నాయి. దీంతో కిమ్ ఆరోగ్యంపై సాగిన తప్పుడు ప్రచారాలకు పూర్తిగా తెరపడటంతో పాటు, ఉత్తర కొరియా రాజకీయ వర్గాల్లో నెలకొన్న సందిగ్ధతకు ముగింపు పలికినట్లయింది.