“10 ఏళ్ల కాపురంలో మంటలు పెట్టిన భార్య”.. ఇంటికి పెయింటింగ్ వేయడానికి వచ్చిన 25 ఏళ్ల యువకుడితో వివాహేతర సంబంధం.. ఇద్దరు పిల్లలను మరిచి ప్రియుడి మోజులో హంతకురాలైన భార్య.. వరుసగా వెలుగులోకి వస్తున్న షాకింగ్ నిజాలు..!!

కర్ణాటకలోని విజయపుర ప్రాంతంలో, పెళ్లై పదేళ్లు గడిచాక కట్టుకున్న భార్యే తన ప్రియుడితో కలిసి భర్తను అత్యంత క్రూరంగా హత్య చేసి, దానిని రోడ్డు ప్రమాదంగా నమ్మించేందుకు ప్రయత్నించిన దిగ్భ్రాంతికర ఘటన ఆ ప్రాంతంలో తీవ్ర కలకలం రేపింది.

నేపథ్యం వివరాలు:
ఈ దారుణ ఘటనలో ప్రాణాలు కోల్పోయిన 42 ఏళ్ల రాజశేఖర్ పితాద్రే (Rajshekhar Pithadare) భార్య అశ్విని, ఆమె ప్రియుడు ఆనంద్ కల్లూర్ (Anand Kallur) నలుగురు నిందితులను పోలీసులు అరెస్ట్ చేశారు. రాజశేఖర్ – అశ్విని దంపతులకు పెళ్లై పదేళ్లు కాగా, వారికి ఆరేళ్ల కవల పిల్లలు ఉన్నారు. ఇటీవల విజయపురలోని ఏక్తా నగర్ ప్రాంతంలో కొత్త ఇల్లు కట్టుకున్న రాజశేఖర్, అక్కడ పెయింటింగ్ పని కోసం 25 ఏళ్ల ఆనంద్ కల్లూర్‌ను ఇంటికి పిలిచాడు. ఆ సమయంలో అశ్వినికి, ఆనంద్‌కు మధ్య ఏర్పడిన పరిచయం కాస్తా వివాహేతర సంబంధానికి దారితీసింది. కుటుంబ కలహాల కారణంగా భర్తపై ఉన్న కక్షతో, అతన్ని అడ్డు తొలగించుకోవడానికి ప్రియుడితో కలిసి అశ్విని పక్కా ప్లాన్ వేసింది.

ప్రమాదంగా చిత్రీకరించే ప్రయత్నం:
పథకం ప్రకారం గత అక్టోబర్ 4వ తేదీ ఉదయం యథావిధిగా వాకింగ్‌కు వెళ్లిన రాజశేఖర్ ఉన్న చోటును అశ్విని రహస్యంగా ఆనంద్‌కు చేరవేసింది. వెంటనే తన అనుచరులతో కలిసి నంబర్ ప్లేట్ లేని నల్లటి స్కార్పియో (Scorpio) కారులో వెంబడించిన ఆనంద్ గ్యాంగ్, రాజశేఖర్‌పైకి కారు ఎక్కించి దారుణంగా హత్య చేసి పరారయ్యింది. మొదట్లో ఇది సాధారణ హిట్-అండ్-అన్ ప్రమాదంగానే నమ్మిన పోలీసులు, భార్య ఫిర్యాదు మేరకు ఆ కోణంలోనే చూశారు.

సీసీటీవీ ద్వారా బయటపడ్డ నిజాలు:
అయితే, ఆ ప్రాంతంలోని సీసీటీవీ (CCTV) फुటేజీలను పోలీసులు కూలంకషంగా పరిశీలించగా, నంబర్ ప్లేట్ లేని ఆ రహస్య కారు మరియు నిందితుల కదలికలు వెలుగులోకి వచ్చాయి. ఈ విచారణలో ఇది ప్రమాదం కాదని, ముందస్తు పథకం ప్రకారం జరిగిన హత్య అని తేలింది. దీంతో అశ్విని, ఆనంద్ కల్లూర్, సచిన్ పడల్లి మరియు ఒక మైనర్ బాలుడితో సహా నలుగురిని పోలీసులు అదుపులోకి తీసుకుని తీవ్రంగా విచారిస్తున్నారు.