“సముద్ర గర్భంలోని రహస్య జీవి..!” ఈ చేప భూకంపాన్ని ముందుగానే సూచిస్తుందా..? సముద్ర జీవశాస్త్రవేత్తలు వెల్లడించిన అసలు నిజం.. భూకంపం వస్తుందా..? భయాందోళనలో ప్రజలు..!!

చిలీ దేశ సముద్ర తీరంలో దాదాపు 16 అడుగుల పొడవున్న భారీ చేప ఒకటి ఒడ్డుకు కొట్టుకురావడం ఆ ప్రాంత ప్రజల్లో తీవ్ర భయాందోళనలు, కలకలం రేపింది.

జపాన్ నమ్మకాల ప్రకారం ‘డూమ్స్‌డే ఫిష్’ అని పిలిచే ఈ లోతైన సముద్రపు చేప ఒడ్డుకు కొట్టుకొస్తే భూకంపం లేదా సునామీ వంటి ప్రకృతి విపత్తులు వస్తాయనే మూఢనమ్మకం ప్రజల్లో బలంగా ఉంది.

గతంలో 2011లో జపాన్‌లో సంభవించిన శక్తిమంతమైన భూకంపానికి ముందు కూడా ఇలాంటి చేపలే ఒడ్డుకు కొట్టుకురావడంతో, తాజా ఘటన ప్రజల్లో భయాన్ని పుట్టించింది.

అయితే, ఈ ఘటనకూ భూకంపానికీ ఎలాంటి సంబంధం లేదని సముద్ర జీవశాస్త్రవేత్తలు స్పష్టం చేశారు. ఇది శాస్త్రీయంగా, సహజంగా జరిగే ఒక సాధారణ ప్రక్రియ మాత్రమేనని వివరించారు.

సముద్ర గర్భంలో నివసించే ఈ చేపలు అనారోగ్యం కారణంగానో లేదా సముద్ర ప్రవాహాల వేగానికి దిశ మార్చుకుని తక్కువ లోతు ఉన్న ప్రాంతాలకు రావడం వల్లనో మాత్రమే ఇలా ఒడ్డుకు కొట్టుకొస్తాయని శాస్త్రవేత్తలు తేల్చిచెప్పారు.