మైలేజీ సమస్య మరియు ఇంజిన్ రిపేర్ల కారణంగా వాహనదారుల మధ్య E20 పెట్రోల్ ప్రస్తుతం పెద్ద చర్చకు దారితీసింది. ఇథనాల్ మిశ్రమ ఇంధనం వల్ల ఇంజిన్ దెబ్బతింటుందనే ఫిర్యాదులను వాహన రిపేరు చేసే మెకానిక్లు కూడా సీరియస్గా తీసుకోవాలని సూచిస్తున్నారు.
E20 ఒక నిరంతర ప్రయోగమా? దేశవ్యాప్తంగా E20 ఇంధనం అందుబాటులోకి వచ్చిన తర్వాత, పాత పెట్రోల్ వాహనాల యజమానులు మైలేజీ గణనీయంగా పడిపోయిందని ఆందోళన చెందుతున్నారు. E20 కోసం ప్రత్యేకంగా రూపొందించబడని పాత వాహనాలు దీర్ఘకాలంలో ఎలా పనిచేస్తాయనేది ఇప్పుడు పెద్ద ప్రశ్నగా మారింది.
లోకల్ సర్కిల్స్ (LocalCircles) సర్వే: ఈ సంస్థ దేశవ్యాప్తంగా 305 జిల్లాల్లో, 2023కి ముందు తయారైన పెట్రోల్ వాహనాలు కలిగిన 44,000 మందికి పైగా యజమానుల అభిప్రాయాలను సేకరించింది. ఆ సర్వేలో:
- 55% మంది యజమానులు 2025 ప్రారంభం నుండి వాహనాల్లో అరుగుదల మరియు రిపేర్లు పెరిగాయని తెలిపారు.
- 24% మంది తమ వాహనాల్లో పెద్ద రిపేర్లు వచ్చాయని, 21% మంది మీడియం స్థాయి రిపేర్లు వచ్చాయని చెప్పారు.
- ఇథనాల్లోని రసాయన ధర్మాల వల్ల ఫ్యూయల్ ట్యాంకులు, ఇంజెక్టర్లు, పంపులు మరియు మెటల్ పైపుల్లో తుప్పు పట్టే అవకాశం ఉంది.
- రబ్బరు పైపులు, సీల్స్ మరియు ప్లాస్టిక్ భాగాలు త్వరగా పాడయ్యే ప్రమాదం ఉంది.
మైలేజీ పతనం: 2023కి ముందున్న వాహన యజమానుల్లో 66% మంది, తమ వాహనాల మైలేజీ 10% కంటే ఎక్కువ తగ్గిందని పేర్కొన్నారు. ముఖ్యంగా 23% మంది 20% కంటే ఎక్కువ మైలేజీని కోల్పోతున్నామని చెప్పారు. పెట్రోల్తో పోలిస్తే ఇథనాల్లో శక్తి (Energy density) తక్కువగా ఉండటం, పాత ఇంజిన్లలో ఆధునిక ‘అడాప్టివ్ ఇంజిన్ మేనేజ్మెంట్ సిస్టమ్’ లేకపోవడమే దీనికి ప్రధాన కారణం.
ప్రభుత్వం ఇప్పుడు E22, E25, E30 వంటి ఎక్కువ ఇథనాల్ మిశ్రమాల ప్రమాణాలను ప్రకటించడం వాహనదారుల్లో మరింత ఆందోళన కలిగిస్తోంది.