దౌత్యపరమైన షాక్: జర్మనీలో జరుగుతున్న మ్యూనిచ్ సెక్యూరిటీ కాన్ఫరెన్స్‌లో ఒక హై-ప్రొఫైల్ ఈవెంట్ సందర్భంగా పాక్ ఆర్మీ చీఫ్ అసిమ్ మునీర్‌ను ఐడీ (ID) చూపమని కోరిన వీడియో వైరల్ కావడంతో కలకలం రేగింది. ఇది కేవలం భద్రతా తనిఖీనా లేక పాకిస్థాన్ పట్ల అంతర్జాతీయ సమాజం ఇస్తున్న దౌత్యపరమైన సంకేతమా?
ప్రపంచ వేదికలపై తరచుగా అవమానాలకు గురయ్యే పాకిస్థాన్‌కు మరోసారి చుక్కెదురైంది. తనను తాను పాకిస్థాన్ రక్షకుడిగా భావించుకునే ఆర్మీ చీఫ్‌ను ఎంట్రీ గేట్ వద్ద భద్రతా అధికారి కేవలం రెండు మాటలతో అడ్డుకున్నారు – “ID చూపండి”. ఆ వీడియో చూస్తుండగానే సోషల్ మీడియాలో వైరల్ అయ్యింది.
వైరల్ వీడియోలో అసలేం జరిగింది? కాన్ఫరెన్స్ హాల్‌లోకి వెళ్లడానికి కొన్ని అడుగుల ముందే, ఒక సెక్యూరిటీ ఆఫీసర్ అసిమ్ మునీర్ మెడలో ఉన్న ఐడీ కార్డును తట్టి, “దీనిని ఇటు తిప్పగలరా?” (అంటే కార్డు సరిగ్గా కనిపించేలా) అని అడిగారు. కొన్ని సెకన్లలోనే ఆయనను లోపలికి అనుమతించినప్పటికీ, ఈ దృశ్యం కెమెరాకు చిక్కడంతో చర్చనీయాంశంగా మారింది.
JSMM నిరసన – మరో కోణం: ఈ ఘటన జరుగుతుండగానే, జర్మనీకి చెందిన ‘జేయ్ సింధ్ ముత్తహిదా మహాజ్’ (JSMM) అనే సింధీ రాజకీయ సంస్థ మ్యూనిచ్ కాన్ఫరెన్స్‌లో అసిమ్ మునీర్ ఉనికిని తీవ్రంగా వ్యతిరేకిస్తూ బయట నిరసన తెలిపింది. పాకిస్థాన్‌లో జరుగుతున్న మానవ హక్కుల ఉల్లంఘనలపై అంతర్జాతీయ సంస్థలు దృష్టి సారించాలని వారు డిమాండ్ చేశారు.