IND VS NZ: భారత్ మరియు న్యూజిలాండ్ మధ్య టీ20 ప్రపంచకప్ 2026 ఫైనల్ మ్యాచ్ జరగనుంది. ఈ మహా సంగ్రామంపై దక్షిణాఫ్రికా మాజీ ఫాస్ట్ బౌలర్ డేల్ స్టెయిన్ ఆసక్తికర జోస్యం చెప్పారు. ఈ టోర్నీలో ఏ జట్టు ఛాంపియన్‌గా నిలుస్తుందో తెలుపుతూనే, ఒక జట్టుకు ‘చోకర్స్’ అనే బిరుదును కూడా ఇచ్చేశారు.
డేల్ స్టెయిన్ ఏమన్నారు?
ఏబీ డివిలియర్స్ యూట్యూబ్ ఛానెల్‌లో జరిగిన చర్చలో స్టెయిన్ మాట్లాడుతూ, భారత్ ఫైనల్‌లో న్యూజిలాండ్‌ను ఓడించి టైటిల్ గెలుస్తుందని అంచనా వేశారు.
చోకర్స్ కార్డు: “సాధారణంగా దక్షిణాఫ్రికాను అందరూ ‘చోకర్స్’ అంటారు. కానీ న్యూజిలాండ్ మాతో పోలిస్తే ఎక్కువ సార్లు ఫైనల్స్ ఆడి ఓడిపోయింది. ఒకవేళ ఈసారి కూడా వారు ఫైనల్ గెలవకపోతే, అధికారికంగా ఆ ‘చోకర్స్’ కార్డును నేను న్యూజిలాండ్‌కు ఇచ్చేస్తాను” అని స్టెయిన్ వ్యాఖ్యానించారు.
భారత్ బలం: “నాకు న్యూజిలాండ్ అంటే ఇష్టమే, కానీ వారు భారత్‌ను ఓడించలేరు. భారత్ గెలవకూడదంటే వారు అత్యంత ఘోరంగా (చోక్) ఆడాలి. అది సాధ్యమే కానీ, ప్రస్తుత పరిస్థితుల్లో భారత్‌ను ఓడించడం కివీస్‌కు కష్టం” అని ఆయన అభిప్రాయపడ్డారు.