ప్రతి వారం ఓటీటీ (OTT) ప్లాట్ఫారమ్లలో అనేక చలనచిత్రాలు మరియు వెబ్ సిరీస్లు విడుదలవుతుంటాయి. ప్రస్తుతం ప్రజలు థియేటర్లకు వెళ్లి సినిమాలు చూడటం కంటే, ఓటీటీలలో సినిమాలు చూడటానికే ఎక్కువగా మొగ్గు చూపుతున్నారు.
ఈ వీకెండ్లో మీ కుటుంబంతో కలిసి చూసి ఆనందించగలిగే కొన్ని అత్యుత్తమ థ్రిల్లర్ సినిమాల వివరాలను ఈ కథనంలో చూద్దాం.
ఉడల్ (Udal)
రతీష్ రఘునాథన్ దర్శకత్వంలో 2022లో విడుదలైన మలయాళ థ్రిల్లర్ చిత్రం ‘ఉడల్’. అనారోగ్యంతో మంచాన పడ్డ తన అత్తగారిని చంపడానికి ప్రయత్నించే ఒక కోడలి కథే ఈ చిత్రం. ఉత్కంఠ రేకెత్తించే ఈ సినిమాను అమెజాన్ ప్రైమ్ (Amazon Prime) ఓటీటీలో అస్సలు మిస్ అవ్వకండి.
కప్పేలా (Kappela)
ముహమ్మద్ ముస్తఫా రచన, దర్శకత్వంలో 2020లో వచ్చిన సూపర్ హిట్ చిత్రం ‘కప్పేలా’. ఈ సినిమాలో అన్నా బెన్, శ్రీనాథ్ భాసి, రోషన్ మాథ్యూ ప్రధాన పాత్రల్లో నటించారు. కామెడీ, రొమాంటిక్ థ్రిల్లర్ జోనర్లో సాగే ఈ ‘కప్పేలా’ చిత్రాన్ని నెట్ఫ్లిక్స్ (Netflix) ఓటీటీలో వీక్షించవచ్చు.
పడా (Pada)
కమల్ కే.ఎం. దర్శకత్వంలో వినాయకన్, జోజు జార్జ్ ప్రధాన పాత్రల్లో 2022లో వచ్చిన క్రైమ్ థ్రిల్లర్ మూవీ ‘పడా’. నిజ జీవిత సంఘటనల ఆధారంగా తెరకెక్కిన ఈ పొలిటికల్ థ్రిల్లర్ చిత్రాన్ని అమెజాన్ ప్రైమ్ ఓటీటీలో చూడవచ్చు.
కమ్మర సంభవం (Kammara Sambhavam)
రతీష్ అంబట్ దర్శకత్వంలో దిలీప్, సిద్ధార్థ్ కీలక పాత్రల్లో 2018లో విడుదలైన యాక్షన్, కామెడీ, థ్రిల్లర్ చిత్రం ‘కమ్మర సంభవం’. విభిన్నమైన కథాంశంతో సాగే ఈ సినిమాను ఈ వీకెండ్లో అమెజాన్ ప్రైమ్ ఓటీటీలో మిస్ కాకుండా చూడండి.
నీలాకాశం పచ్చకడల్ చువన్న భూమి (Neelakasham Pachakadal Chuvanna Bhoomi)
సమీర్ తాహిర్ దర్శకత్వంలో దుల్కర్ సల్మాన్ కథానాయకుడిగా 2013లో వచ్చిన అడ్వెంచర్, రొమాంటిక్ థ్రిల్లర్ రోడ్ మూవీ ‘నీలాకాశం పచ్చకడల్ చువన్న భూమి’. బైక్ రైడింగ్ నేపథ్యంలో సాగే ఈ విలక్షణమైన చిత్రాన్ని ఈ వారం జియో హాట్స్టార్ (Jio Hotstar) ఓటీటీలో మీ కుటుంబంతో కలిసి చూసి వీకెండ్ను ఎంజాయ్ చేయండి.