బాంకా: బీహార్లోని బాంకా జిల్లాలో ఒక మహిళ తన భర్తను, ఇద్దరు పిల్లలను వదిలేసి, తన మేనల్లుడితో కలిసి పారిపోయి గుడిలో పెళ్లి చేసుకున్న ఘటన సంచలనం రేపింది. అంతటితో ఆగకుండా, ఆ పెళ్లి ఫోటోలను తన భర్తకు వాట్సాప్లో పంపి, ఆమె చేసిన మెసేజ్ అతడిని కుంగదీసింది.
అసలేం జరిగింది? బీహార్లోని అమర్పూర్ గ్రామానికి చెందిన శివం కుమార్కు, పూనమ్ కుమారికి 2014లో వివాహం జరిగింది. వీరికి ఇద్దరు కుమారులు. కొన్ని సంవత్సరాల పాటు వారి దాంపత్య జీవితం సాఫీగానే సాగింది. అయితే, పూనమ్ దూరపు మేనల్లుడైన అంకిత్ కుమార్ వారి ఇంటికి రావడం మొదలైన తర్వాత కథ మారింది. శివం కుమార్ తన మేనల్లుడిని ఇంటికి రానివ్వడంలో ఎలాంటి అభ్యంతరం వ్యక్తం చేయలేదు. కానీ, అదే తన సంసారాన్ని కూల్చుతుందని అతను ఊహించలేదు.
మేనల్లుడితో ప్రేమాయణం: అంకిత్ తరచుగా ఇంటికి రావడంతో, పూనమ్తో అతనికి సాన్నిహిత్యం పెరిగింది. ఒకరోజు పూనమ్ తన ఇద్దరు పిల్లలతో కలిసి అకస్మాత్తుగా ఇంట్లో నుంచి అదృశ్యమైంది. భార్య, పిల్లల కోసం శివం చుట్టుపక్కల, బంధువుల ఇళ్లలో వెతికినా ఫలితం లేకపోయింది. సోమవారం రాత్రి శివమ్ ఫోన్కు ఒక మెసేజ్ వచ్చింది. అందులో అంకిత్తో కలిసి గుడిలో పెళ్లి చేసుకున్న ఫోటో ఉంది. “నేను ఇప్పుడు అంకిత్ని వివాహం చేసుకున్నాను” అని ఆమె రాసి పంపింది.
పోలీసులకు ఫిర్యాదు: తన భార్య తీసుకున్న ఈ నిర్ణయంతో శివం షాక్కు గురయ్యాడు. భార్య కంటే, తన పిల్లల భవిష్యత్తు గురించి అతను తీవ్ర ఆందోళన చెందాడు. వెంటనే అమర్పూర్ పోలీస్ స్టేషన్లో తన భార్యపై ఫిర్యాదు చేసి, తన పిల్లలను సురక్షితంగా రక్షించాలని పోలీసులను కోరాడు. “నా పిల్లల తప్పేముంది? వారిని ఏ పరిస్థితిలో ఉంచుతున్నారో అని భయంగా ఉంది” అని శివం కన్నీరుమున్నీరయ్యాడు.
పోలీసుల దర్యాప్తు: శివం కుమార్ ఫిర్యాదు మేరకు కేసు నమోదు చేసినట్లు అమర్పూర్ పోలీస్ స్టేషన్ ఇన్ఛార్జ్ తెలిపారు. మహిళ మరియు పిల్లల ఆచూకీ కోసం గాలింపు చర్యలు చేపట్టామని, కేసులోని అన్ని కోణాలను పరిగణనలోకి తీసుకుని విచారణ జరుపుతున్నామని పోలీసులు వెల్లడించారు.