ముంబై: ఒకప్పుడు ఏ ఉపాధీ లేక ఖాళీగా ఉన్న యువకుడు, ఇప్పుడు అద్దె ఎలక్ట్రిక్ బైక్ సాయంతో నెలకు రూ. 45,000 సంపాదిస్తున్నాడు. ఈ స్ఫూర్తిదాయకమైన కథనాన్ని ‘జిప్’ (Zypp) స్టార్టప్ సహ వ్యవస్థాపకుడు ఆకాష్ గుప్తా సోషల్ మీడియాలో పంచుకున్నారు.
వీడియోలో ఏముంది? జిప్ ఎలక్ట్రిక్ సహ వ్యవస్థాపకుడు ఆకాష్ గుప్తా రాత్రిపూట ప్రయాణిస్తున్నప్పుడు, ఆయనకు ఒక డెలివరీ బాయ్ కలిశాడు. ఉత్తరప్రదేశ్లోని ఫిరోజాబాద్కు చెందిన ఆ యువకుడిని, ఈ ఎలక్ట్రిక్ బైక్ అద్దె పథకం వల్ల అతని జీవితంలో వచ్చిన మార్పుల గురించి ఆకాష్ అడిగి తెలుసుకున్నారు. అందుకు ఆ యువకుడు తన గత పరిస్థితిని, ప్రస్తుత పరిస్థితిని వివరించాడు.
సంపాదన పెరిగింది: అద్దె ప్రాతిపదికన ఎలక్ట్రిక్ బైక్ తీసుకున్న తర్వాత, అతను డెలివరీ బాయ్గా పనిచేయడం ప్రారంభించాడు. “నేను ఇప్పుడు రోజుకు రూ. 1,500 వరకు సంపాదిస్తున్నాను, దీనివల్ల నెలకు సుమారు రూ. 45,000 ఆదాయం వస్తోంది” అని అతను సంతోషంగా చెప్పాడు. ఒకప్పుడు ఇంట్లోనే ఖాళీగా కూర్చునేవాడినని, కానీ ఇప్పుడు తన సంపాదనలో అధిక భాగాన్ని ఇంటికి పంపుతున్నానని అతను తెలిపాడు.
ఈ వీడియో ప్రస్తుతం సోషల్ మీడియాలో వైరల్ అవుతోంది. ఆకాష్ గుప్తా అతడిని, పనిలో ఏవైనా ఇబ్బందులు ఉన్నాయా అని అడగ్గా, “ఏమీ లేవు” అని నవ్వుతూ తన దారిన అతను వెళ్లిపోయాడు. నిరుద్యోగంతో బాధపడే యువతకు, ఇలాంటి అద్దె ఎలక్ట్రిక్ బైక్ సేవలు ఎలా ఉపాధి కల్పిస్తున్నాయో ఈ వీడియో కళ్లకు కట్టినట్లు చూపిస్తోంది.